1 SAMUELI 3:9 - Biblía Axweesantá Hhohho' ar Mungú 2004

⁹ Gawaá adoorihe Eli Samueli guri báy, «Tláw malé qaát, bar ugwa male ateét, ta o', ‹Ilawaatsáng, AAKOÓ MUNGÚ, asma sagadiyusmoowók i axmiis.› » Naagáy Samueli iri tláy, iri qatií kií/.

1 SAMUELI 3:9 Iomraidhean Croise

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

TI'INAANGW 20:19

Mose nguri bayé', «Kuúng amoorén nay axweesang, atén kuúng u iiárií qaasaán, ala Mungú mindiwa amoorén i axweés, as atén mawa qatlaán.»

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

1 SAMUELI 3:10

Aluuwo Aakoó Mungú nay hardáh, iri sihhiít, iri ateét adór geeraá wa alé «Samuéli! Samuéli!» Samueli iri oó', «Ilawatsáng Aáko, asma sagadiyusmoowók i axmiis.»

1 SAMUELI 3:8

AAKOÓ MUNGÚ Samueli guri ateét sagaáwa tame. Inós iri tláy amór Eli iri oó', «Aníng areeng, asma kuúng nina atét.» Eli gari tsaáhh adór AAKOÓ MUNGÚ garmaadá' ngura ateét.