1 SAMUELI 3:3 - Biblía Axweesantá Hhohho' ar Mungú 2004

³ Qoomaadae tsaa'astá Doó AAKOÓ MUNGÚ kaa gaasiiká, Samueli ina qaát baraá Doó AAKOÓ MUNGÚ, didá' sandakmoó alqadór Mungú i dirii'i.

1 SAMUELI 3:3 Iomraidhean Croise

2 QOM'I 13:11

Umuú matlaatle nee tsiindoowo kaahamuusér Mungú ilahhooár da/a/aangw kan AAKOÓ MUNGÚ i hanmaamiis, nee mooyángw tsuua, nee mikaátér Mungú tidá' taa qaás gawaá meésaadá' taa tleéhh ar sahaábú hhohhó', nee kitángw tsaa'aso kay qamin ngun amohhe'eemisiyá', kudá' taa tleéhh ar sahaábu, as tsaa'aso kawa oohamiisi umuú tsiindoowo. Atén adoodá' AAKOÓ MUNGÚ, Munguúrén, i slai an tlehhiitaán, ala kuungá' inós ugwa geexeeré'.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 29:9

Afór AAKOÓ MUNGÚ tlaaqati gari xwaylitís, xaai giri diingitís giri qafo fíq baraá darmuuwo. Baraá Do'ós sleémeero ta ooi, «AAKOÓ MUNGÚ i xirfuuti.»

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

TI'INAANGW 25:31

«Kuúng kitángw tsaa'aso ki qamin tleehheek ar sahaábuú hhohhó'. Yukumoó tsaa'astadá' nee hhartós tidá' aa gáwtí ganai a gár wák, nee slooqi'iiwose nee qoloqoláywose nee /ayoorose sleémeero tleehheek ar sahaábu.

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.

1 SAMUELI 1:9

/Ayma nee wahaango tawa hhe'eés didár Shiloro, naagáy Hana ina sihhít, qoomaadae Eli kaahamusmoó úr oo Mungú aa iwiít gawaá kitaangós, dír duuxutmoó Doó AAKOÓ MUNGÚ.