1 SAMUELI 3:2 - Biblía Axweesantá Hhohho' ar Mungú 2004

² Qoomaadae ilaá Eli na boo/ayé' xumsi ga aslayká. Baalarka wake iwa qatuú áy baraá kutuwirós.

1 SAMUELI 3:2 Iomraidhean Croise

IIMU/UUNGW 27:1

Isaka iwa dín, nee ilaawós naa tampuutiyé', Esau garmaawós oo úr guri amoorós i ateét, guri báy, «Garmaaeé'.» Inós iri oó', «Aníng a diirí.»

IIMU/UUNGW 48:10

Ilaá Israeli naa tampuutiyé' asma uraay, ala tam arto gaa aleeslayká. Kiri amoorós i huúw, inós giri ma'amiís, nee giri gawaá da/ewaawós i óh.

IIMU/UUNGW 48:19

Baabuúwós iri sií', guri báy, «Garmaaeé', aníng a xuú', inós sleeme a xooro, nee sleeme ku úr. Ala hhiyaawós kwí niiná ku ak úr ta inose, nee xwaylarós in xoorór yaariir tleehhít.»

1 WAAWITÁ 14:4

Harér Yeroboamu adoodá' gari tléhh, iri tleér ay Shilo, iri hardát doó Ahiya. Qoomaadae Ahiya xumsór kilá' ga aleeslayká, asma ilaawós na boo/ayé'.

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

DAHARUSMO 12:3

Dír dabaadá' slaqwtók ngi xuumá' nira daaraxati'iiká, nee dír ya'aawók kudá' hamí /uuruú koomá' nira slaaqati'iiká. Dír sihhnaawók kudá' xooslimá' nira faakisi'iiká, nee ilaawók xumsi ngira si'i'iiká.

1 SAMUELI 2:22

Qoomaadae Eli a aakoó aa din, inós kangwdá' sleémeero na/iiwós naa tlehhiitiyé' dír múk Israeli guna axaás, nee adoodá' /ameenadá' gadiyumamiis dír afkú heémadár Mungú wa ale ngir haraqatuú aa'aya'.

1 SAMUELI 4:15

Qoomaadae Eli kureeriiwós a mibeeri gwaleél nee dakaát, nee ilaawós naa boo/ayé'.