1 SAMUELI 3:19 - Biblía Axweesantá Hhohho' ar Mungú 2004

¹⁹ Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.

1 SAMUELI 3:19 Iomraidhean Croise

IIMU/UUNGW 21:22

Qoomaadae Abimeleki nee Fikoli, heedaádá' úr oo slaqwaruuseerós gaa geerahaar, Abrahamu guna báy, «Mungú nee kuúng a dinkwa baraá umuúqo gár ta tlehha.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

2 WAAWITÁ 10:10

Gimsé' daxta xuaak adór axweesantadá' AAKOÓ MUNGÚ aa axweés daanduú doó Ahabuwo ira bó/, tidá' aa axweés ar loohír sagadiyusmoowós Eliya daxta gaa boo/eés.»

2 WAAWITÁ 15:12

Naagáy adoorí ina tleehharút as al'axweesantadá' AAKOÓ MUNGÚ aa oó' dír Yehu iwa bo/, tidá' iwa káh, «Xwaylarók i waawuti'iín ay nángw tsiyáhh.»

2 WAAWITÁ 22:16

‹Qaytsiít aníng amotlakwe ngi huúw yaamuuká', nee dír yaamuloouseerós, adoodá' kara soomuús baraá kitaábudae nee waawutmoó Yuda.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Luka 1:28

Malaykamo iri baraá do'ós i dáh iri oó', «Laawaay, kír tsuuqa iga sleer. Aako nee kiíng a dinkwa.»

Luka 1:80

Na/aydá' iri uráy, /uuruuwós iri doogín oo qeeru. Iri baraá darmuú wa hoót ay baalaadá' iwa amór múk Israelírí ti'iít.

Luka 2:40

Nee na/aydá' iri uráy, /uuru gway tleéhh, fuquraango i haats, nee i tsuuqaá Munguú kón.

Luka 2:52

Yesu iri kumiít iwa uraaray, sagalooarós iri doogigiín kuri gurií baá/ nee Mungú nee muko.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

DABE 18:22

Barnaxes aarusmo gaa gaa oó' ar umuú AAKOÓ MUNGÚ, nee gadaádá' aa tleehharutká, laqaá aa loeeská, daqaní gaarí AAKOÓ MUNGÚ gaa ooiiká. Aarusmo gana sagós ar oó'. Kuungá' mutunduwa dae tsaát nee gár adór tí.»

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.

YOSHUA 21:45

Baraá al'axweesantadá' hhoe sleémeero ar AAKOÓ MUNGÚ aa oó' dír xoorór Israeli, ar aa boo/eesiiká i káhh tam ar wák, al'axweesantós sleémeero iri bó/.

HAR'OHUUSE 13:24

Aluuwo harér Manoa iri xwayluúr na/oó garmaawo, Manoa guri umií tsaát guri báy, Samson. Na/aywí iri uráy, AAKOÓ MUNGÚ na/aywí guri tsuúq.

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.

1 SAMUELI 12:2

Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 18:5

Daudi umuú dír kwi qoo ya/aawi nee Saulo, umuú gaaro aqo ina qoón. Gawaá adoorihe Saulo guri uráy haniís dír slaqwaruuseerose. Kaangwí muu sleémeero guri saqwalaá/, tam sagadiyuusér Saulo sleeme.

1 SAMUELI 2:21

AAKOÓ MUNGÚ Hana gari gurtláy, inós iri tsít, na/ii giri laqwál, awa daaqaay tám, nee awa dasu tsár. Na/aywí ta bay Samueli iri uráy dír geeraá AAKOÓ MUNGÚ wa ale.

1 SAMUELI 2:26

Samueli iri kumiít urarango, AAKOÓ MUNGÚ guri sla'atís nee muko.

1 SAMUELI 9:6

Ala sagadiyusmoodá' Saulo guri báy, «Qaytsiít, baraá gixsarihe heé Mungú i deer, inós a heé ta ilaiwawa/i, sleémeero ar i ooi a looeema. Góh amorqá', dooqa inós kángw aairén kuká' ngu oo'.»