1 SAMUELI 3:17 - Biblía Axweesantá Hhohho' ar Mungú 2004

¹⁷ Guri yaahaás, «Mungú /aymuú naa kuúngí oó' a milá? Mu duquumaar, gám tidá' sleémeero naa dirógí oó' bara qo tsuwa duquún, Mungú adoosíng ngi kuúngí tleehhi, nee ngi harwaarahhaasi.»

1 SAMUELI 3:17 Iomraidhean Croise

2 SAMUELI 14:18

Waawutmo /ameenidá' gari mu/aywaáts iri oó', «Umuú gár niqo yaahasa ma duqumaar.» /Ameenidá' iri ó', «Axweesáng, aakooeé' waawutámo.»

2 SAMUELI 19:13

Amasa sleeme yaahasaak barnaxes inós a tseerer'eeneeká. Slám Mungú aníng i gaasi, barnaxes inós ugwa geeraharusmoó úr oo múk slaqwaruusereé' wa qaasiiká laarí kitángw Yoabu wa ale.»

2 SAMUELI 3:35

Aluuwo muu sleémeero tari amór Daudi káy, as kuwa harakeesi mikaáte ngiwa /ayi qoomár iimi ir tlaatla/angwí kahh. Ala Daudi lo'o gari /aáy, iri oó', «Mungú aníng i gaasi bar mukaatmo ugwa tsaáq laqaá tam gár hatlá' ay dír looa i dat.»

2 SAMUELI 3:9

Mungú aníng miwa gáwtí geexáy bar tidá' sleémeero aa dír Daudi bara boo/eesiiká,

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

2 WAAWITÁ 6:31

Inós iri oó', «Aníng tam Mungú i gaasi nee ar tí ba/a ngi án i tleehhi, Elisha garmoó Shafati buraqo isa tsatiiká laarí.»

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

YEREMIA 38:14

Qoomarkaro waawutmo Sedekia gana slaá' tawa axweesi nee aarusmo Yeremia. Naagáy iri oó', «Yeremia huwaare' dír afkú tám oo Doó AAKOÓ MUNGÚ.» Tawa didá i dirii'i waawutmo Yeremia guri báy, «Yaahasarka a koóm, gaa tam gaalá ma duquumaar.»

YEREMIA 42:4

Aarusmo Yeremia giri báy, «Aníng kuungá' naa axaás. Ga/aawaak, aníng kuungá' nu aleefiriím dír AAKOÓ MUNGÚ, Munguúhunge as firorhúng tisíng, nee umuúqo gaaro ar AAKOÓ MUNGÚ kuungá' nuwa mu/aywaáts aníng ngi oó'. Aníng gár ni kuungá' wa luu/ i káhh tam ar wák.»

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

MIKA 2:7

Xaysé' xwaylár Yakobo, axweesanoó adoorí i qóna? Xáy, AAKOÓ MUNGÚ qitluuwós gwaa máyi? Xáy, inós adoorí ga tlehhaahhíti? Xáy, axweesantaeé' ka hhooeekáhe dír kudá' gan'amúr hoota?»

FAARO 23:17

Naagáy Bala'amu iri kií/, Balaki guri didií áy, aa sihhiít dír bihhaá ilahhooarós tidár da/a, ta dinkwa nee geeraharuuse sleémeero ar Moabu. Balaki iri oó', «AAKOÓ MUNGÚ gár ugwa báy a milá?»

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

RUTI 1:17

Didá' kiíng ti gwa', aníng sleeme an didí gwaá'. Didá' kiíng ti fooli, aníng sleeme tin didí fool. AAKOÓ MUNGÚ aníng i slahh'amaayér úrí haniisi barnaxes gár hatlá' ar án nee kiíng ti paraatl aga ya/aám, bar har gwa'araarooká.»

1 SAMUELI 14:44

Saulo iri oó', «Mungú adoorí ngi aníngí tleehhi, tam ar tí ba/a. Yonatán, kuúng aqo tsuwa gaasa.»

1 SAMUELI 20:13

AAKOÓ MUNGÚ aníng i gaasi, bar qo Saulo aa tsabín kuúng uwa gaasi, aníng kuúng uri gurbuiiká, as tawa gop amór saaw, kahhó' slafiingók kuwa ba/amis. AAKOÓ MUNGÚ nee kuúng ta dinkwa adoodá' tar dinkwa nee baabuúeé'.

1 SAMUELI 25:22

Matlaatlér matlo hhawaataá do'ós sleémeero bira qoo tsu/aa/imiiká, Mungú aníng i gaasi.»

1 SAMUELI 3:16

Naagáy Eli Samueli guri ateét, iri oó', «Samuéli, garmaaeé'.» Samueli iri oó', «Án areeng.»