1 SAMUELI 3:16 - Biblía Axweesantá Hhohho' ar Mungú 2004

¹⁶ Naagáy Eli Samueli guri ateét, iri oó', «Samuéli, garmaaeé'.» Samueli iri oó', «Án areeng.»

1 SAMUELI 3:16 Iomraidhean Croise

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

IIMU/UUNGW 37:13

Yakobo Yosefu guri báy, «Xáy, hhaeewók naa bee/ángw de'éngw áy'iíke baraá yaamaá Shekemu i alé? Qwaláng, án kuúng u ya/aáw amor'ín i alé.» Yosefu iri oó', «Kahhoo', aníng a deer.»

RUTI 2:8

Aluuwo Boasi Ruti gari báy, «Iia qaaseek, dasir'eé'. Ma amór hatlá' i sleemisuú awaar, aqo har baraá qaymoorí. Ma saweesaar dír dasuueé' kwí gadiyuusa.

1 SAMUELI 12:2

Hám daxta qaytsité', waawutmo kuungá' nun geeraharahaar, aníng aga diím, saga al/awtani gwaa gás, qaytsité', kuungá' nee daaqay'eé' a dinkwa, aníng kuungá' nuna geeraharahaár iimír masombi'iimar'eene, tay laarí.

1 SAMUELI 3:15

Samueli iri guaaín ay matlaatle, aluuwo afkú doó AAKOÓ MUNGÚ guri gweér. Samueli iri da'ayuút kángw iigu'utuudá' nguwa ooi dír Eli.

1 SAMUELI 3:17

Guri yaahaás, «Mungú /aymuú naa kuúngí oó' a milá? Mu duquumaar, gám tidá' sleémeero naa dirógí oó' bara qo tsuwa duquún, Mungú adoosíng ngi kuúngí tleehhi, nee ngi harwaarahhaasi.»