1 SAMUELI 3:12 - Biblía Axweesantá Hhohho' ar Mungú 2004

¹² Baldae axweesantadá' sleémeero naa oó' daanduú doó Eliwo a boo/eés, iimír iimu/uúngw wa ale ay alhhe'eesaay.

1 SAMUELI 3:12 Iomraidhean Croise

ESEKIELI 21:5

Muu sleémeero gari tsaahh adór heé paánga gaa duux baraá qawaywós wa alé tar anuú AAKOÓ MUNGÚ, slám ka tawo ki/isiiká baraá qawaywósií alé.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Luka 21:33

Doori nee yaamu i waarahhiyá', ala axweesante'eé' i baloó waarahhká.»

YOSHUA 23:15

Ala adoodá' muruudá' sleémeero oo hhó' AAKOÓ MUNGÚ, Munguúhúng naa dirhúngií al'axweés ira boó/, adoorí an adoodá' sleeme AAKOÓ MUNGÚ muruú tlákw ngur aleesláy gawaahúngií huwto ay dír kuungá' tay hhaanda' baraá yaamuuká' hhooe awa tinda haniís nee AAKOÓ MUNGÚ Munguúhúng.

HAR'OHUUSE 4:24

Múk Israeli /uuru guri sláy ak ale gawaá daanduú Yabini waawutmoó Kana'aniro, inooín waawutmo Yabini oo Kana'ani nguna alkomkaakoné' kuri suqúy.

1 SAMUELI 4:11

Sandakmooduú alqadór Mungú kuri ar tláy. Hofni nee Finehasi, daaqaydá' tsár oo Eli, kuri tsuú/.

1 SAMUELI 4:17

Heewí kaangwí gwa huuw iri oó', «Múk Israeli aa goów geeraá múk Filistír wa ale, slám múk yaariír kwa tsuú/, tam daaqaywók tsaraawo, Hofni nee Finehasi, kaa tsuú/ sleeme, nee sandakmoó Mungú kwaa hayóh.»

1 SAMUELI 4:21

Na/aay guri beér, Ikabodi, iri ó', «Asma xirif aa quútl dír múk Israeliro.» Asma sandakmoó alqadór Mungú kwaa hayóh, nee as taatoó hhawaatuuwós nee hhawaatuuwose niwa qatliyé'.

1 SAMUELI 4:22

Iri ó' «Xirfuuwí aa quútl baraá Israeliro, asma sandakmoó alqadór Mungú kwaa hayóh.»