1 SAMUELI 29:9 - Biblía Axweesantá Hhohho' ar Mungú 2004

⁹ Akishi iri oó', «Aníng a xuú', adór kuúng tur dakuús wásl dír geeraaeene adór malaykamoó Mungú. Ala tam adoorihe, geeraharuusér múk Filisti tana oó', ‹Tookeél, heesíng nee atén mitiwa koomaán baraá slaqwara.›

1 SAMUELI 29:9 Iomraidhean Croise

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

2 SAMUELI 14:20

Yoabu adoorí gana tleéhh as kaangw nguwa warqeesi. Ala kuúng aakooeé', sagalooa a koón adór malaykamoó Mungú, tam mura' sleémeero u xú' oo baraakaá yaamií dirií'.»

2 SAMUELI 19:27

Ala inós aníng ina kaantaatín dirógí ale, aakooeé' waawutámo. Ala kuúng, aakooeé' waawútmo, kuúng a adór malaykamoó Mungú. Umuúqo gár ta aán ar qoom dir'eé' tleehhang.

Galatia 4:14

Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

1 SAMUELI 29:4

Ala geeraharuusér múk Filisti Akishi kuri i buúhh, tari oó', «Heesíng ki/isek amór yaamuudá' taa inósi hanís, i amoodá' wa hooti. Tookeél nee atén mitiwa koomaán baraá slaqwara. Barnaxes ugwa huwaán baraá slaqwaraaro, atén ti sakii/, tari wakusmoorén. A ga/eera'aakáhe heesíng loohi gan sláy ar nee aakoowós tir kaahi slaya'?