1 SAMUELI 29:6 - Biblía Axweesantá Hhohho' ar Mungú 2004

⁶ Akishi Daudi guri ateét, guri báy, «Kuúng a heé inkihhím dir'eene tam AAKOÓ MUNGÚ kudá' slaáf ga xuu', amór barte'eene gár hhoo' a tin koomaán baraá slaqwara, asma gár tlaakw ar naa ár i káhh, iimír bál kuúng niwa amor'eé' hardát ay laarí. Tam adoorihe geeraharuuse muner'ín aa ya/aandiiká gawaawoge.

1 SAMUELI 29:6 Iomraidhean Croise

IIMU/UUNGW 16:6

Ala Abramu Sarai gari báy, «Ga/aaweek, sagadiyuso'oorók i dabaawók, tidá' hhoo' dír ilawoge ti tlehh.» Sarai gari ló'wa baramaaús, iri tlatláhh dír geeraawose.

2 SAMUELI 3:25

Xáy, u xúa Abneri garmoó Neri nina hardáh as kuúng uwa al/ayi? Nina hardáh as adór hotangók ngiwa xui, nee umuú gár taqo tlehhita.»

2 WAAWITÁ 19:27

Aníng adór kuúng tar iwiiwit nee tar tlatleer a xuú', adór kuúng tar ti'imit nee tar darat a xuú', nee adór kuúng aníng ira i buhhaabúhh a xuú'.

WARA'AMI 121:8

AAKOÓ MUNGÚ kuúng un xún, qoomár bar ti'imít nee bar darát, iimír hamí ay kureeraá kureér.

ISAYA 37:28

Ala aníng hotaawók i xuú', nee bar ti'imít u xuú' tam bar darát sleeme, tam buhhtaawók daanduueene i xuú'.

ISAYA 65:16

Gawaá adoorihe, umuú heé ti kilós tsuuquúm baraá yaamuwo ti tsuuqi ar umuú Munguú ló'. Nee heé lo'ór /aáy baraá yaamuukae, lo'o ngi /ayi ar umuú Munguú ló'. Asma slahh'amaayér aáng aa qaroó gunqaarút, dír ilaaeene kaa qaroó luú/.»

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

YOSHUA 22:30

Finehasi kaahamusmoó Mungú, nee geeraharuusér tlahh'aá xoorór Israeli kudá' nee inós taa alkone', axweesanoó tlahh'aá Reubeni nee oo Gadi nee tlaqtá tlahhoó Manase kuwa axaás, tari qwalaá/.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»

1 SAMUELI 29:3

Geeraharuusér Filisti kaangwí guna yaahás, «Mukuú Ebrania mi tleehh diirihe.» Akishi geeraharuuseedár múk Filisti gari mu/aywaáts, «Daudiwí a sagadiyusmoó Saulo, waawutmoó múk Israeli. Inós nee aníng ana alhootaán qoomár tleere, kureeraá hhaawa'aaká, iimír niwa amor'eénií goów dakuúsár ngwi ár i káhh.»

1 SAMUELI 29:7

Hám daxta as adoorihe kuúng kií/ amór do'. Tláw ar wayda, geeraharuusér uren ar múk Filisti ma buhhtisar.»

1 SAMUELI 5:8

Naagáy muu kuri ya/aáw, geeraharuusér mukduú Filisti kingiri burumbuúr, tari oó', «Xaysé'! Xoóro, sandakmoowuú alqadór Munguú múk Israeli adór ku laqaan?» Inooín tari oó', «Sandakmoowuú Munguú múk Israeli loohatisaak ay yaamaá Gati.» Sandakmoó alqadór Munguú múk Israeli kuri loohatís ay Gati.