1 SAMUELI 29:4 - Biblía Axweesantá Hhohho' ar Mungú 2004

⁴ Ala geeraharuusér múk Filisti Akishi kuri i buúhh, tari oó', «Heesíng ki/isek amór yaamuudá' taa inósi hanís, i amoodá' wa hooti. Tookeél nee atén mitiwa koomaán baraá slaqwara. Barnaxes ugwa huwaán baraá slaqwaraaro, atén ti sakii/, tari wakusmoorén. A ga/eera'aakáhe heesíng loohi gan sláy ar nee aakoowós tir kaahi slaya'?

1 SAMUELI 29:4 Iomraidhean Croise

1 QOM'I 12:19

Askaárír hatlá' ar tlahhoó Manase tana haragwaá' amór Daudi qoomár Daudi nee múk Filisti tiwa alkona' as tawa slaqwi nee waawutmo Saulo. Ala Daudi múk Filisti gwaa alee/isiiká, asma geeraharuusér múk Filisti ta xurumiit, Daudi ngiwa geewaqaati dír Saulo, gawaá adoorihe Daudi kway alií ki/ís.

1 QOM'I 12:20

Qoomár Daudi iwa Siklagírí kií/, múk tlahhoó Manase iri haragwaá' amór Daudi. Múk aa haragwaa' a kwí: Adna, nee Yosabadi, nee Yediaeli, nee Mikaeli, nee Yosabadi, nee Elihu, nee Siletai. Umuú heewo baraá kukae a geeraharusmoó slaqwaruusér múk kumuú wák baraá tlahhoó Manasewo.

TI'INAANGW 1:10

Gimsé' i fuqurángw i tleehhaán mindiwa dooginé', slám bar slaqwara naa ti'ít inooín tan bartá wakuuseerén áy, atén tiri i slaaqw niri /akumiitiyá' baraá yaamuurene.»

Luka 16:8

«Saayusmoodá' inkihhimu wásl taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/aateemaawo.

1 SAMUELI 14:21

Naagáy mukduú Ebrania dinkwaárí dirií' nee múk Filisti iimír bál geeraawo, kudá' naa waatlaye' dinkwa nee inooín, ay amór xafaydá' aya gwa harweer, tari haragwaá' dír múk Israeli kuduú dinkwa nee Saulo nee Yonatan.

1 SAMUELI 27:6

Baalaarihe, waawutmo Akishi Daudi guri qáy ar gixsár ta bay Siklagi. Gawaá adoorihe iimír baalaadá' gixsár Siklagi waawutmoó Yuda gari sláy.

1 SAMUELI 29:9

Akishi iri oó', «Aníng a xuú', adór kuúng tur dakuús wásl dír geeraaeene adór malaykamoó Mungú. Ala tam adoorihe, geeraharuusér múk Filisti tana oó', ‹Tookeél, heesíng nee atén mitiwa koomaán baraá slaqwara.›

1 SAMUELI 30:1

Bál tám aluudae, Daudi nee mukós tana kií/ ay Siklagi. Múk Amaleki yaamaá Negebu gaa qaroó i haratláy dinkwa nee gixsadaá Siklagi, kiri daá/ ar asla.