1 SAMUELI 29:3 - Biblía Axweesantá Hhohho' ar Mungú 2004

³ Geeraharuusér Filisti kaangwí guna yaahás, «Mukuú Ebrania mi tleehh diirihe.» Akishi geeraharuuseedár múk Filisti gari mu/aywaáts, «Daudiwí a sagadiyusmoó Saulo, waawutmoó múk Israeli. Inós nee aníng ana alhootaán qoomár tleere, kureeraá hhaawa'aaká, iimír niwa amor'eénií goów dakuúsár ngwi ár i káhh.»

1 SAMUELI 29:3 Iomraidhean Croise

IIMU/UUNGW 14:13

Heeko wák ina kotsqoót, iri tláy, kaangw guri ooár áy dír Abramu, heé Ebrania. Inós aa iwiít dír ta/eewír heé ta bay Mamre, heedaáduú Amori, hhiyoó Eshkoli, nee hhiyoó Aneri. Kuká' nee Abramu tina axweesani slayé'.

1 QOM'I 12:19

Askaárír hatlá' ar tlahhoó Manase tana haragwaá' amór Daudi qoomár Daudi nee múk Filisti tiwa alkona' as tawa slaqwi nee waawutmo Saulo. Ala Daudi múk Filisti gwaa alee/isiiká, asma geeraharuusér múk Filisti ta xurumiit, Daudi ngiwa geewaqaati dír Saulo, gawaá adoorihe Daudi kway alií ki/ís.

1 QOM'I 12:20

Qoomár Daudi iwa Siklagírí kií/, múk tlahhoó Manase iri haragwaá' amór Daudi. Múk aa haragwaa' a kwí: Adna, nee Yosabadi, nee Yediaeli, nee Mikaeli, nee Yosabadi, nee Elihu, nee Siletai. Umuú heewo baraá kukae a geeraharusmoó slaqwaruusér múk kumuú wák baraá tlahhoó Manasewo.

DANIELI 6:5

Aluuwo niri kilooín axweesiyé' tari oó', «Gár Danieli kur slawaan i káhh, barnaxés u sakwasleemár wa sla'aán, ala aqo un sakwasleemutaán ar kángw Munguúwós.»

Yohana 19:6

Qoomár kaahamuusér uren ar Mungú nee xuumuuseero adoodá' kawa ár, tari tseeamín ta kaahi, «Kikiieek, kikiieek.» Pilato giri báy, «Kuungá' kilá' ar tlawaak, kikiiaak, asma aníng gár heewí ngus sakwasleemuut a ara'araaká.»

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 SAMUELI 14:11

Naagáy inooínaaká' tsaraawo tari ti'iít geeraá koo/idár múk Filisti, múk Filisti tari oó', «Qaytsité' mukduú Ebrania ni ti'imiit baraá boh'eedá' ni nahhati'i.»

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»

1 SAMUELI 27:7

Daudi afiqooma ngaa hoót baraá yaamaá múk Filistiro a kuru wak nee slahheeraá tsiyáhh.

1 SAMUELI 29:6

Akishi Daudi guri ateét, guri báy, «Kuúng a heé inkihhím dir'eene tam AAKOÓ MUNGÚ kudá' slaáf ga xuu', amór barte'eene gár hhoo' a tin koomaán baraá slaqwara, asma gár tlaakw ar naa ár i káhh, iimír bál kuúng niwa amor'eé' hardát ay laarí. Tam adoorihe geeraharuuse muner'ín aa ya/aandiiká gawaawoge.

1 SAMUELI 4:6

Múk Filisti kwaara/idár tsimaahhi kawa axaás, tari oó', «Gár kwaara/irí ur ar baraá xaftá xoorór Ebrania a milá?» Kawa tsaáhh adór sandakmoó AAKOÓ MUNGÚ ira hardáh baraá xafi,