1 SAMUELI 29:1 - Biblía Axweesantá Hhohho' ar Mungú 2004

¹ Múk Filisti slaqwaruuse kana burumbuúr dír ta bay Afeki, nee múk Israeli xafay'ín guna tleéhh afaá xatsoodaá kutloó koomá' awa yaamaá Yesre'eli.

1 SAMUELI 29:1 Iomraidhean Croise

2 SAMUELI 2:9

Amoodae Abneri Ishbosheti guri waawutmoó yaamaá Gileadír wa qaás nee oo Ashuru, nee oo Yesre'eli, nee oo Efraimu nee oo Benyamini nee oo yaamaá Israeli sleémeero.

2 SAMUELI 5:17

Múk Filisti kawa axaás adór Daudi kura iimbalaáx ar di/i, as tawa waawutmoó Israeli, sleémeero tari tláy kuwa leelehhtuú ay. Ala inós kaangwí guna axaás, iri dáh baraá guruú doó taa koo/ír gawít ár harweér.

1 WAAWITÁ 20:30

Kudá' naa meetiye' niri /akumitiyé' baraá gixsár Afeki. Didár gixsár Afekiro kiri i huuhu'ún nee koo/i, slaqwaruusér kume mibeeri tsár nee faanqw kari tsuú/. Ben-hadadi iri ta'aaín iri nahhaát baraá qul/irka ar baraá gixsadá'.

1 WAAWITÁ 21:1

Naboti a yaamuloousmoó Yesre'eli, inós qaymór sabiíbu ga kón amoodár Yesre'eliro. Qaymoorós i bihhaá doó Ahabu, waawutmoó Samaria.

1 WAAWITÁ 21:23

Slám AAKOÓ MUNGÚ i kaahi daanduú Yesebeliro, ‹Seeaawe Yesebeli ga /ák baraaká gixsár Yesre'élír wa alé.

2 WAAWITÁ 9:30

Yehu iwa hardáh Yesre'eli, Yesebeli kangwdá' aa tleehharuut gwa qaroó geerií axás. Hhamhhamaá ilaawós gina parootús ar wahaaso nee se'eengós guri xáf, iri tleér dír pa/aangw, iri baráy ii qaytsít.

2 WAAWITÁ 9:36

Naagáy tari kií/, Yehu kway kaangwí báy, inós iri oó', «Adoorí an adoodá' AAKOÓ MUNGÚ aa qaroó aarín ar loohír sagadiyusmoowós Eliya heé Tishbe, iwa kaahi, ‹Seeaawe slaqwtá Yesebeli ga /ák baraá yaamaá Yesre'elír wa ale.

WARA'AMI 83:7

múk Gebali, múk Amoni nee múk Amaleki, múk Filisti nee múk yaamaá Tiro.

YOSHUA 12:18

waawutmoó gixsár Afeka, nee oo Lasharoni,

YOSHUA 17:16

Múk tlahhoó Yosefu tari oó', «Ar qoo tsuwa ló', tlom'iiqá' atén tiqo tsuwa buiaaká. Ala xoorór Kana'ani, tidá' baraá xatstá hoot, inooín i gaardaá muqslár koná', tam kudá' baraá Bet-sheanír hootá' nee ayeemoowose, tam kudá' baraá tlapár Yesre'elír hootá' sleeme.»

YOSHUA 19:18

Yaamuuín gixsadaá naa haraoohiyé' a gixsár Yesre'eli nee Kesuloti, nee Shunemu,

YOSHUA 19:30

nee Uma, nee Afeki, nee Rehobu. Gixsadaá taa haniís sleémeero nee ayeemooine dinkwaaro a mibeeri tsár nee tsár.

HAR'OHUUSE 6:33

Qoomaarihe múk Midiani sleémeero nee múk Amaleki nee kuduú hatlá' oo bihhaá da/aáw aa dinkwár i burumburiít, tari waaraáhh gayuú hatlá' oo Yordani, xafay'ín nguri tleehhiyé' baraá xatstá Yesre'eli.

HAR'OHUUSE 7:1

Gideoni kudá' ta bay Yeruba'ali nee mukós sleémeero matlaatleero nina tseewa tlayé', xafay'ín nguri tleehhiyé' bihhaá kutltá Harodi. Múk Midiani xafay'ín ngua tleehhiyé' bihhaá /iya, baraá xatsa didár geetuú More.

1 SAMUELI 28:25

Naagáy muruú /aymár Saulo guri hanís, oo sagadiyuuseerós sleeme guri hanís, inooín tari /ayín, aluuwo xweeradaá kilae tari tláy.

1 SAMUELI 28:4

Múk Filisti tari burumburiít, xafay'ín kuri tleéhh baraá Shunemu, Saulo múk Israeli sleémeero guri burumbuúr, xafay'ín kuri tleéhh gawaá tloomár Gilboa.

1 SAMUELI 4:1

Nee axweesantadár Samueli iri tsiyayaaxát baraá yaamaá Israeliro. Qoomaadae múk Filisti iri burumbuurít as tawa slaqwi nee múk Israeli. Xoorór Israeli iri fi'ít as tawa slaqwi nee múk Filisti, xafay'ín kuri tleéhh dír ta bay, Eben-eseri. Múk Filisti xafay'ín guri tleéhh dír ta bay Afeki.