1 SAMUELI 28:8 - Biblía Axweesantá Hhohho' ar Mungú 2004

⁸ Saulo tlabaawós giri warqeés, tiri ilaqaás tawa adór múk hatlá', iri tláy nee mukós oo tsár tiri koné'. Tari xweeraá hardáh dír doó /ameenír aáng, iri oó', «Na'ás isooeé' kuká' arang baraá miislaywoge. Heedaádá' aníng ni uma oo' watleesáng baraá gi'ií wa alé.»

1 SAMUELI 28:8 Iomraidhean Croise

1 WAAWITÁ 22:30

Waawutmoó Israeli Yehoshafati guri báy, «Aníng tsitoó waawuti'iima u dahasaaká, niri dáh baraá tla/ángw slaqwaruuse, kuúng tlabaawók awa waawuti'iima ki dahás.» Gawaá adoorihe, waawutmoó Israeli iri slaqwarár áy, tlabaá waawuti'iima gaa dahaasiiká.

1 WAAWITÁ 22:34

Ala slaqwarusmoó wák oo Aramu mahaangw guna tawo tsaxaár baraá tla/ángw slaqwaruusér Israeli, mahangwdá' waawutmoó Israeli guri harasliqiít, didá' tlabaawós kudaá muqsla tay doogiyé' nee tlabaadá' aa da/eewór baáq. Waawutmo Ahabu iri oó' dír heedaádá' gaáridár uuruxúng madiít, «Gaári amoorí hingeesang baraá slaqwaraaro, asma aníng taa hariiáy.»

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

2 QOM'I 18:29

Ahabu Yehoshafati guri bay, «Bar slaqwarár awaán aníng tlabaaeé' i warqeés, ala kuúng tlabaawók mi warqeesaar.» Naagáy waawutmoó Israeli slaqwara gay áy, tlabaawós awa waawuti'iima gaa huwiiká.

2 QOM'I 35:22

Ala waawutmo Yosia /aymi'iiká' waawutmo Neko awa amór Mungú dahhá' gaa iiárií qaasiiká, inós tiri warqeés as mukuwa tsaáhh, iri dáhh baraá tla/ángw slaqwaruuse, dír xatstá Megido.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

ESEKIELI 12:6

Qoomár inooín barta xumiis, huwaawók qaaseek gawaá suuma, nee qoomár iimi bira gíp ta tleér. Gitsee/awók tuuntuukeek, nee bar hi'iimít masók amór ta keer a ga/eeraaká. Adoorihe aníng kuúng un laya tleéhh dír múk Israeliwo.»

Yohana 3:19

Sakwasleema an tí, gwa/aateema nina baraá yaamií hardihiyé', ala muu giwti gana slaá' ta gwa/aateemaawo, asma muruú ta tlehhahhiti ku tlákw.