1 SAMUELI 28:7 - Biblía Axweesantá Hhohho' ar Mungú 2004

⁷ Saulo sagadiyuuseerós gari báy, «/Ameenír giaá duxuum leeleehhare', as aníng kangw'eé' kwí nguwa dirósií yaahasár aw.» Sagadiyuuseerós guri beér, «/Ameenír wák i deer ar tsaahhasíng koom baraá yaamaá Endoriro.»

1 SAMUELI 28:7 Iomraidhean Croise

2 WAAWITÁ 6:33

Tidá' ooaro gaa hhe'eesiiká, heedaádá' tinda ya/aáw nee waawutmo naa hardáh, i kaahi, «Slahh'amuuwí amór i dahhi a amór AAKOÓ MUNGÚ, án gár ni daamaraam a milá ar ni aniíngí tleehhi?»

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

WARA'AMI 83:10

Kudá' naa hhané' baraá Endórír wa ale, nee tu'uuín nay naasuutiyé' yaamií alé.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

TLAHHOÓ LAÁWI 19:31

«Xu'utuusér gi'i ma i daqaaqawaar, laqaá da/aluuse ma firiirimara' as nuwa alee/is, adoosíng bara tleehhé', tunda dahaás baraá tlakweema. Aníng an AAKOÓ MUNGÚ, Munguúhúng.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

DABE 18:11

laqaá da/alusmo, laqaá oo da/ariiwo mutiím, laqaá oo axweesá' nee múk aa qaatl, laqaá oo axweesá' nee neetlaame, laqaá oo axweesá' nee gi'i.

YOSHUA 17:11

Múk tlahhoó Manase gixsadukaariya' kina aál baraá yaamaá tlahh'aá Isakariwo nee awa Asheriwo. Gixsaduudá' a gixsár Bet-sheani nee yaamuwose, nee Ibleamu nee ayeemowose. Gixsadaá hatlá' a Dori nee En-dori nee Ta'anaki nee umuú hatlá' a Nafati, Megido dinkwa nee ayeemoine, nee yaamuloouusér baraadá' hootá' kina aál.

1 SAMUELI 28:3

Qoomaarihe, Samueli aa qaroó gwaá', dír kway fool a dír do'ós baraá Rama. Múk Israeli sleémeero guri satsuunquumiís. Saulo qwaslaarér giaá duxuum nee da/aluuseero baraá ayko gaa tlatlahhaás.