1 SAMUELI 28:16 - Biblía Axweesantá Hhohho' ar Mungú 2004

¹⁶ Samueli iri oó', «Ahaá waáy gár aníng is fiririin gawaá daanduú axweesantá AAKOÓ MUNGÚ, kuúng uwa alaá xu'ús, nee iri wakusmoowók tleehhiít?

1 SAMUELI 28:16 Iomraidhean Croise

2 WAAWITÁ 6:27

Waawutmo gari báy, «AAKOÓ MUNGÚ kiíng alee/iisaro bira harslaqaát, alók aníng alee/isaay dír nguwa slaw a diimá? Dír kitaangwí balaangw kuwa múxi, laqaá bohóngw sabiíbu kuwa tsoo/íti?

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:24

Baraá gixsarihe tseerér aaruuse kaa ár, nee ar múk hhohhó' oo Mungú, nee ar mukdá' sleémeero taa tsuú/ baraá yaamuwo.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»

1 SAMUELI 28:17

AAKOÓ MUNGÚ tidá' aa oó' ar afkueé' daanduuwoge gaa tleéhh. AAKOÓ MUNGÚ waawuti'iima gaa dakók wa /asliís gari haniís dír inslaawmoowók Daudi.