1 SAMUELI 28:15 - Biblía Axweesantá Hhohho' ar Mungú 2004

¹⁵ Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»

1 SAMUELI 28:15 Iomraidhean Croise

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

AXWEESANOÓ SAGALOOA 14:14

Heé sagagawít bu'utuuwós gu sláy, tam heé hhoó' sleeme mamaá hhooarós gi /aay.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

HAR'OHUUSE 16:20

Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.

1 SAMUELI 23:2

Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 23:4

Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»

1 SAMUELI 28:11

/Ameenidá' Saulo guri yaahás, «Xáy heé ni waatlees baraá gi'ií wa ale a heemá?» Saulo gari báy, «Samueli na duuxang.»

1 SAMUELI 28:16

Samueli iri oó', «Ahaá waáy gár aníng is fiririin gawaá daanduú axweesantá AAKOÓ MUNGÚ, kuúng uwa alaá xu'ús, nee iri wakusmoowók tleehhiít?

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.

1 SAMUELI 28:8

Saulo tlabaawós giri warqeés, tiri ilaqaás tawa adór múk hatlá', iri tláy nee mukós oo tsár tiri koné'. Tari xweeraá hardáh dír doó /ameenír aáng, iri oó', «Na'ás isooeé' kuká' arang baraá miislaywoge. Heedaádá' aníng ni uma oo' watleesáng baraá gi'ií wa alé.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.