1 SAMUELI 28:1 - Biblía Axweesantá Hhohho' ar Mungú 2004

¹ Afiqooma ina waaráhh, múk Filisti ina burumburiít ta amohhe'eesiyé' as slaqwara, nee múk Israeli. Akishi Daudi guri báy, «Adoorí xu'uti hhe'eeseek kuúng nee mukók dinkwa nee aníng i hariín tawa tlawaan baraá slaqwara.»

1 SAMUELI 28:1 Iomraidhean Croise

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.

1 SAMUELI 17:1

Xoorór Filisti slaqwaruuser'ín gana buruumbút baraá yaamaá ta bay Soko, gixsár baraá Yuda, as slaqwara. Xafay'ín kuri siíhh tla/ángw yaamukari ta bay Efes-damimu, tla/ángw Soko nee Aseka.

1 SAMUELI 27:12

Akishi, Daudi guri gurií baá/, inós ngiwa xui Daudi kwaa sií' nee múk Israeli, iri baraá muunaáwós i oó', «Daxta án in sagadiyuus baraá hotangw'eé' sleémeero.»

1 SAMUELI 31:1

Naagáy, múk Filisti tana slaáqw nee múk Israeli, múk Israeli iri goów geeraá múk Filistír wa ale, kiri tsuú/ gawaá tloomár Gilboa.

1 SAMUELI 7:7

Aluuwo xoorór Filisti adór múk Israeli ira burumburiít Mispárí ale, ngiwa axaasiyé', geeraharuusér múk Filisti iri haratleér as tawa slaqwi nee múk Israeli. Xoorór Israeli adoorí ngiwa axás, muk Filisti nguri da'ayuutiyé'.