1 SAMUELI 27:1 - Biblía Axweesantá Hhohho' ar Mungú 2004

¹ Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»

1 SAMUELI 27:1 Iomraidhean Croise

1 WAAWITÁ 12:26

Yeroboamu iri baraá guruuwós i oó', «Hám daxta waawuti'iima i kí/ amór doó Daudi.

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

2 QOM'I 25:17

Waawutmo Amasia oo Yuda nee hara'ayuuseerós afo kari ilahariís amór waawutmo Yehoashi garmoó Yehoahasi, garmoó Yehu, waawutmoó Israeli, guri báy, «Qwaláng ti araán.»

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

WARA'AMI 55:7

Geera a amorqá' saáw i tláw, nay hotaá áw baraá darma.

TI'INAANGW 14:12

/Aymuuwí a kudá' naa kuúng bawániíke qoomár tawa baraá Misrír i diriaan, tawa kaahaan, ‹Atén ti meer múk Misri ku sagadiyusaán. Asma a tsiní múk Misri kuwa sagadiyusaan ta tawa qatlaana baraá xaanxaay.› »

AXWEESANOÓ SAGALOOA 13:12

Gár taa harahhíf bira tlík i slahh'eemís. Ala gár ta sla' bara sleér a adór xa'aanoó slafiingw.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

FAARO 14:3

Ahaá waáy gár AAKOÓ MUNGÚ tisa huúw baraá yaamuuká as atén tiwa tsu/i baraá slaqwara, tlaawayrén nee na/iirene kiri haasaáng wa ar tláy? Xáy aa tsiniheekáhe bara ki/aán baraá yaamaá Misrírí ale?»

Matayo 14:31

Siiwadár kilae Yesu dakós guri gan'aás, dákw Petro guri óh, guri báy, «Kuúng haratlintaaoorók ka tsuwa niina. Asma milá masa xurút?»

Marko 4:40

Giri báy, «Mas adoosír da'ayumitá'? Tam ay hamí haratlintaaorhúng i káhha?»

2 korinto 7:5

Tam qoomár atén niwa hardahaán yaamaá Makedoniár i aleeró, amohhooa aga slawaaniiká. Ala atén slahh'amu una slawaán umuúqo bihheero. Tsee/aawo gár dáw a gila, baraá muneerene gár dáw a dae.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 22:5

Aarusmo Gadi Daudi guri báy, «Ma baraá koo/irí gawít wa hootaar, tláw ay baraá yaamaá Yuda.» Daudi iri didá' wa tláy, iri dáh baraá darmuú Hereti.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»

1 SAMUELI 25:30

AAKOÓ MUNGÚ kuúng una hhooeemií tleéhh adoodá' al'axweesantós ngira oó' diroge, nee uwa tsawaár tawa waawutmoó Israeli.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›

1 SAMUELI 29:2

Geeraharuusér múk Filisti tana waaraáhh ar dír waawitaaín, daqoroó tsiire nee oo kumeero, Daudi nee mukose dinkwa nee Akishi, alaá slaqwaruuseedá' kingina haár.

1 SAMUELI 29:3

Geeraharuusér Filisti kaangwí guna yaahás, «Mukuú Ebrania mi tleehh diirihe.» Akishi geeraharuuseedár múk Filisti gari mu/aywaáts, «Daudiwí a sagadiyusmoó Saulo, waawutmoó múk Israeli. Inós nee aníng ana alhootaán qoomár tleere, kureeraá hhaawa'aaká, iimír niwa amor'eénií goów dakuúsár ngwi ár i káhh.»