1 SAMUELI 26:5 - Biblía Axweesantá Hhohho' ar Mungú 2004

⁵ Daudi iri tláy ay didaádá' Saulo xaftós ngi tleéhh gari ár, naxés Saulo a xopiít gu'uteero, nee Abneri garmoó Neri geeraharusmoó slaqwaruusér Saulo aa guú' sleeme. Saulo aa qaát baraá tla/ángw xaftidá' kwaa harweér nee slaqwaruuseerós.

1 SAMUELI 26:5 Iomraidhean Croise

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

1 QOM'I 9:39

Neri ina laqwaál Kishi, Kishi ina laqwaál Saulo, Saulo ina laqwaál Yonatan, Malkishua, Abinadabu nee Eshba'ali.

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 26:4

Daudi tsawtsawuuse gari ya/aáw, looeemaá hardahamuú Saulo giri sláy.

1 SAMUELI 9:1

Heeko wák oo tlahhoó Benyamini i deer, umuuwós a Kishi, garmoó Abieli, Abieluú Serori, Seroruú Bekorati, Bekoratuú Afia, heé tlahhoó Benyamini, inós a daqaarmo.