1 SAMUELI 26:23 - Biblía Axweesantá Hhohho' ar Mungú 2004

²³ AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.

1 SAMUELI 26:23 Iomraidhean Croise

2 SAMUELI 22:21

«AAKOÓ MUNGÚ ina qáy ar hariímár gan'amuueé', ina amohhe'eemiís as aníng tiwa daba' hhohhó'.

2 SAMUELI 22:25

AAKOÓ MUNGÚ iga amohhe'eemiís ar har qoomoó gan'amuueé', inós hhohhoaarir'eé' ga xuu'.

1 WAAWITÁ 8:32

na'ás, kuúng iiárií qaaseek gawaá doorí wa alé, kuúng qaa/oó mukók tsateek. Heé dakuúsár koóm sakwasleemuteek ar harqoomoó dakuúsarós i diri', nee heé dakuúsár koomaaká maweek, ku gurtleér adoodár iialooeesarós i diri'.

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

YOBU 34:11

Mungú hee gun buu' ar har qoomoó tlehhmi'iiwós, nee umuú heewo ar i slay a tidá' lohduuwós wá hariim.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 24:18

Laarí ngaa laqama hhe'és adór kuúng tur hhoó' dir'eene. Laatí qoomár AAKOÓ MUNGÚ aníng iwa dabaawók i qaás án kuúng iga gaská.

1 SAMUELI 24:19

Asma baraá hotaariro hee bar wakusmoowós ngwaa ár, xáy, guqo tawo máya iwa tlay ar amohhooa dír geeraawós wa ale? AAKOÓ MUNGÚ kuúng u hhooeemáy tleehhi, as tí kuúng naa aníng i tléhh laarí.

1 SAMUELI 26:11

Ala AAKOÓ MUNGÚ i ya/anká dakw'eé' nguwa looloqoos gawaá heewós kudá' aa tsawaár guri iimbalaáx ar di/i. Ala lawaalarós tiqá' tseew dír sagós nee qumtá ma'aywo na taataahhang, daqaní a tlawaán.»

1 SAMUELI 26:22

Daudi Saulo guri báy, «Aá waawutámo, qayteek lawaalarók i diirí, garmaawók oo wák ya/aawang ngi leehhi.

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»