1 SAMUELI 26:21 - Biblía Axweesantá Hhohho' ar Mungú 2004

²¹ Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»

1 SAMUELI 26:21 Iomraidhean Croise

2 WAAWITÁ 1:13

Wa'aá hatlae malé ale waawutmo geeraharusmoó hatlá' guna ya/aáw nee slaqwaruusér mibeeri kooán. Geeraharusmoowí oo tám iri tsa/án gawaá tloomadá', iri tumbarara'aát geeraá Eliya, nee guri firín iwa kaahi, «Aá heé Mungú, aníng kuúng u fiririím, slafingw'eé' nee slafíngw sagadiyuuseerók tír mibeeraá kooán gár slahhaa' tiwa tsahh.

2 WAAWITÁ 1:14

Geeraharuusedá' tsár nee muk'ine kaa /aáy nee asltá gawaá dooraá daahh, ala hami daxta masók slafingw'eé' a gár slahhaa' diroge.»

WARA'AMI 116:15

AAKOÓ MUNGÚ ga gár slahhaá' wa tsatsahhán, gwa'arár múk inós gwa haratlintii'.

WARA'AMI 49:8

Asma bu'utuú slafíngw hee ku gawít. Gár bu'uut ga baloó aleeslayká duuxaro,

WARA'AMI 72:14

Slafingw'ín gu tuu/ dír malguuseero, dír ilaawose slafingw'ín a gár slahhaa'.

TI'INAANGW 9:27

Aluuwo Farao Mose nee Aroni giri ateét, giri báy, «Aníng waiikae aga dakuús, AAKOÓ MUNGÚ in gan'amuú kón, aníng nee muk'eé' tlakweema iga tleehhaán.

FAARO 22:34

Bala'amu malaykamoó AAKOÓ MUNGÚ guri báy, «Tlakweema iga tleéhh, asma aga xuiiká adór kuúng tara sihhít baraá loohi as aníng iwa ila/. Adoorí bar kuúng a sla'aká, hamí mawa kumiít aaiwo, a kií/ amór do'.»

Matayo 27:4

giri báy, «Aga dakuús, asma heé tlakweemaá koomaaká nguwa sakií/.» Inooín tari oó', «Gár atén ti huuw gawaá tisinge a milá? Kangwsíng a kók.»

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.

1 SAMUELI 15:30

Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»

1 SAMUELI 18:30

Slaqwaruusér Filisti iri slaqwarár eér amór múk Israeli, ala umuúqo qoomár tawa slaqwi, Daudi in baalaalín, sagadiyuusér Saulo ba/a, gawaá adoorihe umuú Daudi iri iia tleerúy.

1 SAMUELI 24:17

Saulo Daudi guri báy, «Kuúng an gan'amuú koón ta aninge. Kuúng aníng ina hhooeemií tléhh, ala aníng kuúng una gár tlaákwí tleéhh.

1 SAMUELI 26:22

Daudi Saulo guri báy, «Aá waawutámo, qayteek lawaalarók i diirí, garmaawók oo wák ya/aawang ngi leehhi.

1 SAMUELI 26:24

Qayteek, adoodá' slafiingók kur afhhamít dír geeraaeene, alók masók slafingw'eé' sleeme kun afhhamít dír geeraá AAKOÓ MUNGUHE, inós aníng i ba/amisi baraá slahh'amaaye sleémeero.»

1 SAMUELI 27:4

Saulo ngiwa axaás adór Daudi ira goów ay Gati, Saulo aa sangw leelehhtuú Daudi ki/iiká.