1 SAMUELI 26:19 - Biblía Axweesantá Hhohho' ar Mungú 2004

¹⁹ Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›

1 SAMUELI 26:19 Iomraidhean Croise

IIMU/UUNGW 44:18

Naagáy Yuda Yosefu guri i tseewúy guri báy, «Aáko, án ya/aamáng tiwa aleekalaa/. Án kuúng u firiím mi i buhhaar, asma kuúng aqo adór Farao sleeme.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

2 SAMUELI 14:16

Asma waawutmo i iiárií qaas nee iri ba/amis dír dabaá heedaádá' gaa slaá' aníng iwa hingeesi dinkwa nee garmaaeé' baraá aalír Munguhe.

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

2 SAMUELI 20:19

Aníng a heé wák oo wayda gu slaá' nee inkihhimu, baraá múk Israeliwo. Hamí kuúng an tsabiínda gixsarí, ar adór aayo baraá múk Israeliro kawa hhitiin. Asma waáy, hamí gixsarír AAKOÓ MUNGÚ mas qwaareesár wa slá'?»

2 SAMUELI 21:3

Daudi múk Gibeoni guri yaahaás, «Gár nuy tleehh a milá? Tlakweemaadá' tunduy tleéhh gár ngir buu'. As kahhó' yaamuuká' nee muk'ín kuduú AAKOÓ MUNGUHE kiwa tsuqa'.»

2 SAMUELI 24:1

Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

WARA'AMI 120:5

Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

WARA'AMI 20:4

Tidá' muunaáwoge ta sla' ngi haniisi, nee tidá' ta tleehhamór wa sla' ngi ya/amisi.

AXWEESANOÓ SAGALOOA 30:10

Lawaalmo mu hara'awishar dír aakoowós As kahhó' muwa lu'ús, kuúng tlakweemaadá' kiri ót.

ISAYA 60:5

Adoorí an aán nee tari qwalá/, muunaáwók iri qwalaa/ tari bará/. Asma daqaari'iimár baraá tlawi kingi amoorók i huuw, nee daqaari'iimár xoordu kingi kiíngí haniis.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

FAARO 36:7

As kahhó' aalír múk Israeli makawa warqeés amór tlahhoó hatlá', umuúqo heé Israeliwo kaangwí ngu alqaytsiti adór aalirós tar baraá tlahhoó guruú do'ós.

FAARO 36:9

Gawaá adoorihe umuúqo tlahhaywo aalir'ín ka warqeesiiká amór tlahhoó hatlá'. Umuúqo tlahhoó Israeliwo aalír guruú dooín gan oh.»

Rumi 14:15

Kuúng barnaxes hhiyaawók ugwa gurhaamír i qás ar muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

Galatia 5:12

Ala mukwí kuungá' nu tlaahhír i qamiím, alók masók tin kilooín tuu'utiyá'.

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

2 Timoteo 4:14

Aleksanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

1 SAMUELI 18:10

Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 24:9

Daudi Saulo guri báy, «Asma milá axweesanoó muu mus iiárií qamiín, oo káh, ‹Daudi kuúng u harieemuú wa slaa'?›

1 SAMUELI 25:24

Abigaili tina kwáhh dír ya'aá Daudi iri ó', «Aakooeé', tlaákwasíng sleémeero a daanduueé'. Na'ás, sagadiyuso'oorók iiárií qaaseek nee axweesantós iiárií qaaseek.

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»