1 SAMUELI 26:16 - Biblía Axweesantá Hhohho' ar Mungú 2004

¹⁶ Kuúng adoosíng taa tléhh i qoondaaká, án lo'o aga /aáy ar umuú AAKOÓ MUNGÚ, kuúng gár tuwa hariím a gwa'ara, asma aakoohúng ugwa xuundi'iiká, kudá' AAKOÓ MUNGÚ aa iimbalaáx ar di/i. Hamí qaytsiít, lawaalár waawutmo nee qumtidár ma'aywo kudá' dír sagósií dirii'á', axáy i dáy'a.»

1 SAMUELI 26:16 Iomraidhean Croise

2 SAMUELI 12:5

Daudi kaangwí nguwa axaás, ina daa/atúy buhhtaawo as daqaramoodá'. Iri oo dír aarusmo Natani, «Aníng lo'o a /aáy dír AAKOÓ MUNGUÚDÁ' daadawa, heé adoosíng gaa tleehh, gár kuwa hariím a gaasa.

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

1 WAAWITÁ 2:26

Slám waawutmo kaahamusmo Abiatari guri báy, «Tláw Anatoti baraá qamuuwók, asma kuúng gwa'ara ugwa sahariín, ala laarí u gaasaaká, asma sandakmoó Aakoó MUNGÚ una loohís geeraá Daudi baabuúeé' wa ale, nee slám kuúng nee baabuúeé' tunduna alslahh'eemiís.»

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 79:11

/Aa/aá kuká' taa tsegiít u i hardihiye', ar /uuruuwók oo ure ba/amisek, kudá' sakwasleemar'ín taa tsaát kiwa tsu/i.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

1 SAMUELI 20:31

Bar garmoó Yese iqo slafafín barakaá yaamuwo kuúng pa/ángw waawuti'iima u sleeraaká baraá yaamuukae, hamír kilá' tláw amor'eé' tí huwang, gár kus hhoó' aqo tsuwa gaasa.»

1 SAMUELI 24:6

Daudi mukós guri báy, «Aasla'áy, AAKOÓ MUNGÚ dakw'eé' ngu pa/asi, gár tlaakw mawa tleéhh gawaá aakooeé' kwí taa iimbalaáx nee AAKOÓ MUNGÚ. Dakw'eé' muwa looloqoós gawaá heé AAKOÓ MUNGÚ aa iimbalaáx ar di/i.»

1 SAMUELI 26:11

Ala AAKOÓ MUNGÚ i ya/anká dakw'eé' nguwa looloqoos gawaá heewós kudá' aa tsawaár guri iimbalaáx ar di/i. Ala lawaalarós tiqá' tseew dír sagós nee qumtá ma'aywo na taataahhang, daqaní a tlawaán.»

1 SAMUELI 26:15

Daudi iri oó', «Xáy kuúng a hhawaatuwookáhe, oo adór kuúng a heemá baraá múk Israeliro? Ala baré aakoowók kusuú waawutmo u xuundaaká? Asma heeko wák oo bartarén ina dáh baraá xaftahúng as aakoowók nguwa gaasi!

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»