1 SAMUELI 26:15 - Biblía Axweesantá Hhohho' ar Mungú 2004

¹⁵ Daudi iri oó', «Xáy kuúng a hhawaatuwookáhe, oo adór kuúng a heemá baraá múk Israeliro? Ala baré aakoowók kusuú waawutmo u xuundaaká? Asma heeko wák oo bartarén ina dáh baraá xaftahúng as aakoowók nguwa gaasi!

1 SAMUELI 26:15 Iomraidhean Croise

2 SAMUELI 3:38

Waawutmo Daudi sagadiyuuseerós gari báy, «Xáy, kuungá' a xua'aakáhe laarí adór heé úr, oo iia tleér ira gwaá' baraá múk Israeliwo?

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

Matayo 26:40

Yesu iri kií/ dír eeharuuseerós, naxés naa guiyé'. Petro guri báy, «Ahaá, aga aleesleeri'iikáhe tawa dal'a' dinkwa nee aníng tam qoomár niinawe?

1 SAMUELI 26:14

Daudi iri tseé' amór slaqwaruuseedár Saulo nee Abneri garmoó Neri, iri oó', «Abnéri, kuúng a axmiskáhe?» Abneri guri báy, «Kuúng a heemá tawa waawutmoó ateetiin?»

1 SAMUELI 26:16

Kuúng adoosíng taa tléhh i qoondaaká, án lo'o aga /aáy ar umuú AAKOÓ MUNGÚ, kuúng gár tuwa hariím a gwa'ara, asma aakoohúng ugwa xuundi'iiká, kudá' AAKOÓ MUNGÚ aa iimbalaáx ar di/i. Hamí qaytsiít, lawaalár waawutmo nee qumtidár ma'aywo kudá' dír sagósií dirii'á', axáy i dáy'a.»