1 SAMUELI 26:10 - Biblía Axweesantá Hhohho' ar Mungú 2004

¹⁰ Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.

1 SAMUELI 26:10 Iomraidhean Croise

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

YOBU 14:5

Deelór hotaá hee kaa qoomeés, Aá Mungú, kuúng faarór slahheeriiwós aga qoomés. Hartsatangwdá' kuúng taa qás gu waaraahhiiká.

YOBU 7:1

«Hee in hoot ar ditsakwa gawaá daanduú yaamuwo. Deelór hotaawós a adór deelór heé bu'utuú tlaatla/ángw wák.

WARA'AMI 37:10

Alaá deelór niinawe kudaá tlakuuse ki qwaarees. Tim leelehhtuú eér dír hotaaínií alé i aandaaká.

WARA'AMI 37:13

Ala AAKOÓ MUNGÚ gun wa qasén kudá' tlaákw, asma gaa ár adór deeloorós ar alhhe'eesaay nira naká/.

WARA'AMI 94:23

Tlakweemaaín kudá' i tlehhahhitiya' gin gawaaínií ki/is. Inooín kin hhaamiis as tlakweemaaín. Eeít, AAKOÓ Munguúrén gi qwaarees.

DAHARUSMO 3:2

Garka a qoomár hee kuwa laqwaál, nee ar hee iwa gwaai, qoomár dahasiingw nee qoomár bu'uungw.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

Ebrania 10:30

Asma inós u xuaán kudá' aa oo', «Li/aay a daanduueé', aníng li/aay u buú'.» Nee aa malé oó', «Aako mukós gu sakwasleemuut.»

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

Geehhoeemaá 18:8

Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 24:15

AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:38

Alaá deelo mibaangw iwa waaráhh, AAKOÓ MUNGÚ Nabali guri slaáhh iri gwaá'.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.

1 SAMUELI 31:6

Adoorí an adór Saulo ira gwaá', nee daaqaywós tamawo, slám nee heedaádá' xoslaá slaqwararós loohamamisa, dinkwa nee mukós sleémeero tana alqaátl baalaarihe.