1 SAMUELI 25:39 - Biblía Axweesantá Hhohho' ar Mungú 2004

³⁹ Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 25:39 Iomraidhean Croise

2 SAMUELI 1:16

Daudi guri báy, «Dakók oo kilá' kuúng un sakii/, asma afkóguú kilae ana lamabu'uún tawa ó', ‹Heedaádá' AAKOÓ MUNGÚ aa iimbalaáx aníng una gaás.› »

1 WAAWITÁ 2:44

Waawutmo Solomon Shimei guri male báy, «Tlakweemaá baraá muunaáwók i insleéra kudá' taa tléhh dír baabuúeé' Daudi, gawaá adoorihe AAKOÓ MUNGÚ tlakweemaadá' ngi gawaawók i buu'.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

WARA'AMI 7:16

Tlakweemawós ngun saki/iyá'. Hara/untsawós ngun saki/iyá'.

WARA'AMI 9:5

Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

AXWEESANOÓ SAGALOOA 18:22

Heé hare gaa slay gár hhoo' gaa sláy, Heewí kwa gurií baá/ nee AAKOÓ MUNGÚ.

AXWEESANOÓ SAGALOOA 19:14

Do' nee daqaari'iimaro a aalír hee i slay dír xwaylitérose. Ala harér sagaloo' dír hee ngiwa slay a dír AAKOÓ MUNGÚ.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

AXWEESANOÓ SAGALOOA 31:10

Heé harér hhoo' ga sláw a heemá? Inós ka afhhamít ta tlaa/aá tlaxo gawdene.

AXWEESANOÓ SAGALOOA 31:30

Kaloó hhoohhó' i al/agín, nee hhohhoaari a tawo Ala /ameenír kilá' a tidá' AAKOÓ MUNGÚ gu ilaiwawaa/.

DAA'AANGW 8:8

Hho'oorén tooka niina i deer, inós /aami gaa tsaxadiká. Ala hamí gár daanduuwose ta tleehhaan a xuanaaká bál barka iimu/ún sa'axweesanto.

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

2 korinto 13:7

Atén Mungú un firiirimaán as kahhó' kuungá' gár tlaakw kawa tlehha'aaká. Atén a adoorír firiirimanaaká, as múk hatlá' ngiwa tsaahhi adór atén tara waarahhaán. Gár atén ta firiirimaan a tí, kuungá' masók tidá' hhoo' an tlehhitá', ala tam atén taa ari adór tara waarahhaniiká.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

HAR'OHUUSE 5:2

«AAKOÓ MUNGÚ xirfayeemisaak! Geeraharuuse múk Israeli guri geerahát baraá slaqwara, nee muu tina haniís ar sla'aarir'ín.

1 SAMUELI 24:15

AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:32

Daudi Abigaili gari báy, «AAKOÓ MUNGÚ Munguú múk Israeli i xirfuuti, kudá' kiíng iga ya/aaw laarí, án nee kiíng tiwa doogaan.

1 SAMUELI 25:34

Ar loe, adoodá' AAKOÓ MUNGÚ, Munguú múk Israeli ir daadeér, inós bar aníng iga har'oohiiká, kiíng iwa hariiaw, geeraawo barnaxes na gaanslár hardatká án nee kiíng tiwa doogaan, geera matlaatlér matloowo hhawaatmo i kaahh doó Nabaliwo.»

1 SAMUELI 25:40

Sagadiyuusér Daudi tawa hardáh dír Abigaili amoodár Karmeli, kari báy, «Daudi atén taa ya/aáw as kiíng iwa aayór dó' wa slai.»

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.