1 SAMUELI 25:38 - Biblía Axweesantá Hhohho' ar Mungú 2004

³⁸ Alaá deelo mibaangw iwa waaráhh, AAKOÓ MUNGÚ Nabali guri slaáhh iri gwaá'.

1 SAMUELI 25:38 Iomraidhean Croise

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

2 WAAWITÁ 15:5

AAKOÓ MUNGÚ Asariya guri slaáhh ar tiqtír tsatmit ay gwa'ararós. Kuri har meetín nee muu baraá do'ós kudá' aa hooti. Gadiyeérós sleémeero ar waawut'iima kari tleéhh nee garmaawós Yotam.

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

2 QOM'I 10:15

Gawaá adoorihe, waawutmo mukwí gwaa iiárií qaasiiká, asma gaarí ar dákw Mungú as axweesantá AAKOÓ MUNGÚ tidá' aa oó' dír Yeroboamu garmoó Nebati ar loohír Ahiya oo Shilo iwa bo/.

2 QOM'I 13:20

de'emaá Abiyawo Yeroboamu /uuru gwaa baloó slayká. Aluuwo kuri slaáhh nee AAKOÓ MUNGÚ, iri gwaá'.

WARA'AMI 104:29

Bira alaá xu'ús nin deewaiyá'. Hiinsluuín bura hiingés, tan qaatl, tay kii/ baraá hhapeedá' i dahhiya'.

WARA'AMI 73:19

Adoorí a adoomá kira hhaamiís ar wa'aá wák, kina suquúy ar adór de'e tlaqa.

TI'INAANGW 12:29

Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

1 SAMUELI 25:33

Mungú kiíng i tsuuqi, nee sagalooarók tisíng ngi tsuuqi, asma iwa ila/ niwa dahiiká baraá dakuúsár tseerdu ngiwa ku'uus, as marmá ngiwa buu' ar dakw'eé' oo kilá'.

1 SAMUELI 25:37

Abigaili matlaatleero hhawaatuuwós nguwa aán naxés oonitamedár difaái aa fák, kangwdá' sleémeero guri dirós alki/ít. Tawa didár kilá' i kahhi Nabali ina tawoó sol'omiít iri tsaúy, tari adór tlaa/ano.

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.

1 SAMUELI 6:9

Kuungá' xumiisé', barnaxes nguna huwiyé' ay baraá ayaaín oo Bet-shemeshi, daqaní ka xuá' adór heé atén taa um'ií kwaahh tar Munguú Israeli. Ala barnaxes ngwa ayaaíní huwi'iiká, a xu'aán adór inós tira slahhiiká, daqaní gaarí aqo tiqtír na tawo /et.»