1 SAMUELI 25:33 - Biblía Axweesantá Hhohho' ar Mungú 2004

³³ Mungú kiíng i tsuuqi, nee sagalooarók tisíng ngi tsuuqi, asma iwa ila/ niwa dahiiká baraá dakuúsár tseerdu ngiwa ku'uus, as marmá ngiwa buu' ar dakw'eé' oo kilá'.

1 SAMUELI 25:33 Iomraidhean Croise

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

TI'INAANGW 22:2

Barnaxes fisusmo xweeraawo kwaa dír do' fi/ití áy kway gaás, heedaádá' gwa gaas i dakuúsár konká,

AXWEESANOÓ SAGALOOA 13:14

Heé sagaloó' intsaahhasarós a adór kutlaá ma'aá slafiingw, As kahhó' hee iwa kotsqoti dír /akwseeyír gwa'araro.

AXWEESANOÓ SAGALOOA 17:10

Dír heé muruú tsatsahhama iigahhaata i gunqarutká, ta muxta tsiiru ar heé daktani i slaya.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

AXWEESANOÓ SAGALOOA 27:21

Muqslidár peésa nee sahaábuwo gawdemaín kin iiar ar asla, Hee sleeme kun iiar ar xirfuuwós.

AXWEESANOÓ SAGALOOA 28:23

Heé hhiyaawós gu iigahhmiít aluuwo hhooeema gi sláy Ta kudá' gu xirfayemisa baraá tlakweemií ale ar axweesanoó tsuú'.

AXWEESANOÓ SAGALOOA 9:9

Heé sagaloó' intsaahhatiseek, daqaní sagalooarós i kumít, Heé ganaá' intsaahhatiseek, daqaní tsaahharós i doogiín.

1 SAMUELI 24:19

Asma baraá hotaariro hee bar wakusmoowós ngwaa ár, xáy, guqo tawo máya iwa tlay ar amohhooa dír geeraawós wa ale? AAKOÓ MUNGÚ kuúng u hhooeemáy tleehhi, as tí kuúng naa aníng i tléhh laarí.

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:31

Kuúng aakooeé', gár tas gurhaamut nee gár muunaáwók is slahhahhai i káhh daanduú tseerér taa tawo ku'usi as marmá kawa bú'. Ala aakooeé' AAKOÓ MUNGÚ bál bura hhooeemií tleéhh, na'ás, aníng islawáng anír sagadiyuso'oorók.»