1 SAMUELI 25:30 - Biblía Axweesantá Hhohho' ar Mungú 2004

³⁰ AAKOÓ MUNGÚ kuúng una hhooeemií tleéhh adoodá' al'axweesantós ngira oó' diroge, nee uwa tsawaár tawa waawutmoó Israeli.

1 SAMUELI 25:30 Iomraidhean Croise

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

1 SAMUELI 13:14

Ala hamí waawuti'iimarok i hotká. AAKOÓ MUNGÚ hee gwaa leeleéhh oo muunaáwose aa slaá'. AAKOÓ MUNGÚ heewí gwa tsawaár tawa heé úr baraá mukose. Asma kuúng axweesantadá' AAKOÓ MUNGÚ naa hara'ayín aga otká.»

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»

1 SAMUELI 24:21

Áx daxta hamí, lo'o /ayeék ar umuú AAKOÓ MUNGÚ, yaeemir'eé' kawa qwaareská baraá guruú doó baabuúeene.»

1 SAMUELI 25:31

Kuúng aakooeé', gár tas gurhaamut nee gár muunaáwók is slahhahhai i káhh daanduú tseerér taa tawo ku'usi as marmá kawa bú'. Ala aakooeé' AAKOÓ MUNGÚ bál bura hhooeemií tleéhh, na'ás, aníng islawáng anír sagadiyuso'oorók.»