1 SAMUELI 25:29 - Biblía Axweesantá Hhohho' ar Mungú 2004

²⁹ Barnaxes muu naa ti'iít oo slafiingók gu qwaareesár wa slaá', AAKOÓ MUNGÚ, Munguúwók, slafiingók gun xún dinkwa nee kudá' slafa'a, ala slafíngw wakuuseerók gun kwaahh amór saáwí ale, adoodá' hee tlaa/ano ngur tsaxaari ar kukumaayi.

1 SAMUELI 25:29 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

2 SAMUELI 4:8

Aluuwo ságw Ishbosheti nguna huwír Hebroni amór Daudi. Inooín Daudi kuri báy, «Gaarí a ságw Ishbosheti, garmoó Saulo kuduú wakusmowók, kudá' geeraá slafingók gu qwaareesár wa slaá'. AAKOÓ MUNGÚ laarí marmaarók tidá' gaa buú' gawaá daanduú Saulo nee xwaylarós.»

YOBU 27:22

Mungú gun fur'aárí tlees sleeme gu gurtlayká. In mak ta'aaín yeé ya'aawose, ala gár i bui i káhh.

WARA'AMI 116:15

AAKOÓ MUNGÚ ga gár slahhaá' wa tsatsahhán, gwa'arár múk inós gwa haratlintii'.

WARA'AMI 54:3

Asma hooma iga i haratleér, múk xaraásl i slafingw'eé' leelehhiit, inooín Mungú ngwa geerakawsi'iiká.

WARA'AMI 66:9

Asma inós slafingwrén gun taami kón, nee tam ya'aarén gi mayká niwa nikiitsiya'.

YEREMIA 10:18

Asma AAKOÓ MUNGÚ i kaahi, «Ga/aawaak, qoomaarihe aníng yaamuloouusér yaamuuká' an tsee/áy kwaáhh ar kukumaayi. Aníng i slahh'amií huúw as inooín tawa slahhaahhai.

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 17:21

Inooín sleémeero masók a wákleeli adoodá' kuúng Baabá tar baraaeé' i diri', nee án nir baraawók i dirii'. Inooín sleeme masók i baraarén, as múk aa haratlintii'iiká ngi tsaahhi adór kuúng tar kudá' aníng iga ya/ap.

Yohana 17:23

aníng baraaín, nee kuúng baraaeé', as wakleeli'iima kawa boo/eesi. Asma múk aa haratlintii'iiká ngiwa tsaahhi adór án kuúng ira ya/áp, nee adór kuúng mukdá' aníng iga haratlintii' kur slá', adoodá' aníng ira slá'.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.