1 SAMUELI 25:26 - Biblía Axweesantá Hhohho' ar Mungú 2004

²⁶ Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:26 Iomraidhean Croise

IIMU/UUNGW 20:6

Mungú guri báy ar baraá tlata, «Aníng aga tsaáhh adoorí kawa tléhh ar muunuú hhoohhoó', ala án kuúng uri ilaá/ tlakweema kiwa tlehhká. Gawaá adoorihe ugwa mawiiká /ameenirí kawa kwatit.

2 SAMUELI 18:32

Waawutmo guri yaahaás, «Xáy, garmoó ta bay Absalomu ku hhoóe?» Heedaáduú Kushi iri oó', «Aakooeé' waawutámo, wakuuseerók dinkwa nee sleémeero kudá' naa daanduuwók wa sihhitiyé' as tuwa gár tlaákwi slai, alók masók an adór garmaawí ta bay Absalomu.»

2 WAAWITÁ 2:2

Eliya Elisha guna báy, «Gám na'ás diirí meeteek, asma aníng AAKOÓ MUNGÚ iga ya/aáw Beteli.» Ala Elisha iri oó', «Adoodá' AAKOÓ MUNGÚ ir hotaatina nee adoodá' kuúng tar slafa, ar looeemaawo aníng kuúng u baloó geexawaaká.» Naagáy tay alkoné' ay Beteli.

2 WAAWITÁ 4:6

Xoosla sleémeero iwa háts, /ameenidá' garmaawós guri beér, «Xooslmoó hatlá' huwang.» Garmaawós iri oó', «Xoosla sleémeero aa háts.» Di/i wa/amiingw guri meér.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

AXWEESANOÓ SAGALOOA 31:12

Hhawaatuuwós gun hhooeemáy tlehhít gu gár tlaákw i tlehhká baraá slafiingós sleémeerowo.

YEREMIA 29:22

Mukdá' taa loohatís baraá yaamaá Babuloni Yerusalemúr wá alé, barta lo'ór huwahuuw tari kaahi, ‹AAKOÓ MUNGÚ masók un adór Sedekia nee Ahabu tleehh, kudá' waawutmoó Babuloni a baraá ásltí daá/.›

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

Ebrania 10:30

Asma inós u xuaán kudá' aa oo', «Li/aay a daanduueé', aníng li/aay u buú'.» Nee aa malé oó', «Aako mukós gu sakwasleemuut.»

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.

1 SAMUELI 20:16

umuú Yonatan masók ku baloó si'iiká baraá doó Daudiwo. Nee AAKOÓ MUNGÚ li/oó wakuusér Daudi ngu bui.»

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 25:25

Aakooeé', daktantasír Nabali ma iiárií qaasaar, asma adoosíng umuuwós tar Nabali, an adór inós i dirii'i, asma umuú ta bay Nabali gídaabárós a daktu'uuma. Ala anír sagadiyuso'oorók daaqaywók kudá' naa ya/áp ugwa ariiká.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.