1 SAMUELI 25:23 - Biblía Axweesantá Hhohho' ar Mungú 2004

²³ Abigaili, Daudi nguwa hhoó aán, ina gaanslár awét gawaá daanduú daqwaywose, ina xupú' dír geeraá Daudi, giti gari yaamúr ót.

1 SAMUELI 25:23 Iomraidhean Croise

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

2 SAMUELI 14:4

/Ameenidár Tekoa iri daqeér amór waawutmo iri gurúr qát yaamií ale dír geeraá waawutmo, iri tumbarara'át, guri beér, «Aá waawútmo, aníng alee/iisáng!»

2 SAMUELI 18:28

Ahima'asi waawutmo guri báy ar afór ur, «Mura' sleémeero i qón.» Iri xupuú' dír geeraá waawutmo, iri tumbarara'aát nee iri oó', «Nee AAKOÓ MUNGÚ, Munguúwók i xirfuuti, kudá' kuúng ugwa tuu/ dír mukdá' dabaaín gaa tleesi gawaawók i ale, aakooeé' waawutámo.»

2 SAMUELI 9:6

Naagáy, Mefibosheti garmoó Yonatan, nángw naangoó Saulo, iri amór waawutmo Daudi káy. Mefibosheti iri qaát ar gura' dír geeraá waawutmo Daudi, guri i tumbarara'aát. Daudi guri ateét, «Mefiboshéti.» Inós iri ooín, «Oóy! Anuú lawaalmoowók a diirí.»

1 QOM'I 21:21

Ornani Daudi nguwa ár iwa amoorós kay, didár balaangw muxta gana geexáy iri geerií hi'iít, iri tumbarara'aát dír Daudi sagós guri xupuús ay yaamu.

YOSHUA 15:18

Bál duuxooro Otnieli Aksa gana harakeés baabá nguwa firiin qaymooro. Aksa aáng i gawaá daanduú daqwaay, iwa gawaá daqwáy wa awdit Kalebu gari yaahaás iri oó', «Kiíng ma slá', hato'?»

HAR'OHUUSE 1:14

Bál duuxooro Otnieli Aksa gana harakeés baabá nguwa firiin qaymooro. Aluuwo dasi ina amór baabuúwós keér. Qoomár iwa awét gawaá daanduú daqwáy wa ale, baabuúwós gari yaahaás, «Kiíng ma slá' hato'.»

RUTI 2:10

Ruti iri xupú', gitsee/awós giri kwatít ar yaamu. Boasi guri beér, «Adór aníng kuúng ira xú', anír dahaayo'o, tam aníng iri i axwés ar gurhhooa?»

1 SAMUELI 20:41

Qoomár garmaadá' iwa tláy, Daudi niri ti'iít baraá alaá tlaa/eedá' i nahhaati, iri gitsee/ár huú' yaamií ale, iri xupuú' sagaáwa tám, tiri ma'amiisiyé', tari /aa/amín, qoomár Daudi iri ak harwaaraáhh.

1 SAMUELI 24:8

Aluuwo Daudi iri sihhiít iri ti'iít baraá mar'iro. Saulo guri aluúwaá al'ateét, «Aakooeé' waawutámo.» Waawutmo Saulo iwa alií qaytsiít, Daudi ina yaamií xupuú', giti gari yaamúr óh as ilaiwa/ame.

1 SAMUELI 25:24

Abigaili tina kwáhh dír ya'aá Daudi iri ó', «Aakooeé', tlaákwasíng sleémeero a daanduueé'. Na'ás, sagadiyuso'oorók iiárií qaaseek nee axweesantós iiárií qaaseek.

1 SAMUELI 25:41

Abigaili ina sihhít dír geeraaín, gitse/aawós gay yaamúr ót, iri ó', «Qaytsiít, aníng a sagadiyuso'ór tawo, aníng ti amohhoó', ya'aá sagadiyuusér aakooeé' ngiwa hamaatl.»