1 SAMUELI 25:21 - Biblía Axweesantá Hhohho' ar Mungú 2004

²¹ Daudi aáng iwa oó', «Ar loe aníng muruú Nabali una tawo xumxaxuúm baraá xaanxáy wa ale, tam umuú gár naa sláw i káhh, nee gaarós ar aa qwat i káhh. Una hhooárí tleéhh, inós hhooar'eé' tidá' ngiri buú' ar tlakweema.

1 SAMUELI 25:21 Iomraidhean Croise

IIMU/UUNGW 44:4

Alaá tawa ti'iít baraá gixsaro, Yosefu sagesihhtusmooduú oo do'ós guri báy, «Tláw, mukdá' eehareek, bar iga aán, ki beer, ‹Gár hhooeema kisa tlakweemár bué'? Isaangir'eé' tidár muqslír /awak gár kasa fisé'?

YOBU 30:8

Bira aán a daktanár qoo tawo, xwaylár múk ia' wásl, Kina slakaát baraá ayko as niwa quutliya'.

WARA'AMI 35:12

Hhooeemaeé' ngin bu'uná' ar tlakweema, aníng aga deewaá'.

WARA'AMI 37:8

Mune gu/eek, buhhta maweek, ma buhhabuhhaar asma alhhe'eesaywo a tlakweema in tléhh.

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 17:13

Heé tlehhmuú hhoó' gu bu'uúm ar tlakweema, Tlakweema dír do'ose i bihhaá xuiaaká.

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

Rumi 12:21

Kuúng tlakweema muwa ar ba/iyé', ala kuúng tlakweema na ar ba/eek ar hhooeema.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

Efeso 4:31

Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

1 Petro 3:17

Asma a tsiní burtu slahh'eemiis as tlehhema'aá hhohho', barnaxes a sla'aarír Mungú, ta tuwa slahh'eemisi as tlehhema'aá tlakw.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.

1 SAMUELI 25:13

Daudi mukós guri báy, «Umuúqo heewo i siinootin paángarós ngi oohi.» Umuúqo heewo iri siinootín, paángarós gari óh. Daudi sleeme ina siinootín paángarós gay óh. Múk afiqoomoó tsiire tsiyáhh Daudi guri eehár nee múk tsiire tsár ina meét dír xoosla.

1 SAMUELI 25:15

Ala mukwí atén tina hhooeemí tleéhh, tam gár taa naahhis i káhh, nee qoomár tawa baraá xaanxáy wa alhootaán, umuú gaaro aga dakuusaniiká.

1 SAMUELI 25:20

Qoomár iwa awdit geetuú tloomár wa ale daqwaywós ngwaa i tsa/aán, slám kaa lak geetlaakweés nee tlooma, tari doogiyé' nee Daudi nee mukose, ila nee tí, naxés amór tindira ti'iít a amoodá' inós i dahh.

1 SAMUELI 25:7

Aníng aga axaás adór mukók kudá' ir se'éngw bee/aangók tlaaqi, aníng aga slaá' kawa xu' adór nee de'eemuuseerók tara alde'emaán, ala atén inooín iga gaa /iisaniiká. Slám qooma sleémeero ana alhootaán gixsár Karmelí wa ale, gár naa dakuusiyé' i káhh.