1 SAMUELI 25:2 - Biblía Axweesantá Hhohho' ar Mungú 2004

² Nee heeko wák i deer amoodár Maoniro. Heewí in halaanu'uumár tlehhahhiit Karmelír wa ale. A daqaarmo ló'wa ale, bee/ángw kume tám nee aaraá kumuú wák gi kón, inós i se'éngw bee/aangós tlaqaqaat gawaá tloomár Karmelír wa ale.

1 SAMUELI 25:2 Iomraidhean Croise

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

IIMU/UUNGW 26:13

Inós iri daqaari'iít. Daqaari'iimár yaariir gay sláy, iri ak daqaarmo tleehhiít.

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 32:14

Aaraá tsiire tsár nee gurtaawe mibeeri tsár, bee/aangw tsiire tsár, nee gwaandaawe mibeeri tsár,

IIMU/UUNGW 38:13

Tamari kaangwí nguwa axás adór, baabuú hhawaatuuwós ir tlatláy yaamaá Timnárií alé, i se'éngw bee/ángw tlaquú áy,

2 SAMUELI 19:32

Barsilai, a aakoó aa uray, kureeriiwós a mibeeri dakaát. Inós waawutmo guna amohhe'eemiís, qoomár waawutmo iwa Mahanaimúr hooti, asma Barsilai inós tawa daqaarmo ló'wa ale.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

AXWEESANOÓ SAGALOOA 30:22

Lawaalmo bur kwa waawutmoó wa qaás, Daktani bar guruuwós gwa dalá/ muruú /aymaro,

YOSHUA 15:55

Awa hatlá' a gixsadaá Maoni nee Karmeli, nee Sifu, nee Yuta,

1 SAMUELI 15:12

Samueli matlaatlér boo/e iri ti'iít amór Saulo. Samueli kuri báy, «Saulo i Karmelír daahh, ga/aaweek, gár iinslaslaangw gaa sihhtís, iri waaraáhh Gilgali.»

1 SAMUELI 23:24

Inooín tana tláy tawa Sifúr kay, tana geeraá Saulo wa hi'iít, ala Daudi nee mukós ta baraá xaanxoó Maoni, baraá xatstá Araba bihhaá basa awa Yeshimoni.

1 SAMUELI 30:5

Tlaawayduú Daudi tsaraawo kura tláy, Ahinoamúr Yesre'eli nee Abigaili, too aáng harér Nabali, tidár yaamaá Karmeli.