1 SAMUELI 25:14 - Biblía Axweesantá Hhohho' ar Mungú 2004

¹⁴ Ala garmoó wák oo Nabali kaangwí guna saasaáhh dír Abigaili, harér Nabali, iri oó', «Qaytsiít, Daudi mukós guna ya/aáw amoodár xaanxáy wa ale as aakoorén nguwa taaqwesár aya'. Ala inós giri /oosliislín.

1 SAMUELI 25:14 Iomraidhean Croise

Marko 15:29

Múk yaamuudae waraáhh Yesu guri tloqmiís, ta hara sager'ín muumukuumiis, ta kaahi, «Aháeéy, kuúngudá' Doó Mungú gu feé/, kway tléhh baraá deelo tám i alé,

1 SAMUELI 13:10

Ilahhooadár da/a ngiwa sa adoorí wa hhe'eés haniisaro hé! Samueli naxés naa amoorqá' wa ti'iít. Saulo iri ti'iít nguwa al'ay nee nguwa taaqweesi.

1 SAMUELI 15:13

Samueli iri daqáy amór Saulo, Saulo iri oó', «AAKOÓ MUNGÚ u tsuuqi daxta aníng hara'ayár AAKOÓ MUNGÚ aga boo/eés.»

1 SAMUELI 25:3

Nee umuú heewí ku bay Nabali, umuú hareerós ku bay Abigaili. Abigaili a /ameenír haats fuqurango nee ka hhoohhoo'. Nabali a heé barawásl, sleeme ku waaqaqaa'. Tlahhaywós oo guruú doó Kalebu.