1 SAMUELI 25:1 - Biblía Axweesantá Hhohho' ar Mungú 2004

¹ Samueli iri gwaá', múk Israeli iri burumburiít, kuri sa tsuunquumiís, kuri foól baraá Rama dír do'ós. Daudi iri tláy, iri aweér darmuú Parani.

1 SAMUELI 25:1 Iomraidhean Croise

IIMU/UUNGW 14:6

Nee múk Hori kuri baál gawaá tloomar'ín ar Seiriro, kuri guús ay Elparani, tidá' tseew dír xaanxaaywo.

IIMU/UUNGW 21:21

Iri baraá xaanxoó Paranír wa hoót. Aayoorós guri harér i sleér baraá yaamaá Misrír wa ale.

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 50:11

Mukduú Kana'ani baraá yaamuudá' wa hoót, mukdá' tsuunqumiís kuwa ár didár haritleemisú wa alé, tari oó', «Tsuunqumisuú múk Misri ku yaariír.» Naagáy didá' kari ateét ar umuuwí, ta bay Abel-misraimu, tidá' gayuú Yordanír i dirii'.

1 WAAWITÁ 2:34

Aluuwo Benaya garmoó Yehoyada iri tláy amór Yoabu, guri gaás, guri foól dír do'ós baraá iisaapoó xaanxaay.

2 WAAWITÁ 21:18

Manase iri gwaá', kuri foól baraá asalmoowós kuduú do'osú kilá', baraá asalmoó Usa. Garmaawós Amoni iri waawuti'ín kitaangós wa aleeró.

2 QOM'I 33:20

Naagáy Manase iri gwaá', kuri foól baraá do'ós, garmaawós Amoni iri waawuti'ín kitaangós wa ale.

WARA'AMI 120:5

Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

SEKARIA 1:5

Xáy baabi'iihúng i amaáriya'? Xáy aaruuse in hotatiínda ay alhhe'eesay wasle?

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

FAARO 12:16

Alaá tihe muu iri Haserotír wa tláy, xafay'ín kuri tleéhh baraá xaanxoó Parani.

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.

FAARO 13:3

Naagáy Mose muu guri baraá xaanxoó Paranír wa ya/aáw ar adoodá' AAKOÓ MUNGÚ ngura hara'ayín. Mukdá' sleémeero aa ya/aáw an geeraharuusér tlahh'aá Israeli.

FAARO 20:29

Muu sleémeero ngiwa axaás adór Aroni ira gwaá', tari tsuunqumiís deelo mibeeri tám.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 28:3

Qoomaarihe, Samueli aa qaroó gwaá', dír kway fool a dír do'ós baraá Rama. Múk Israeli sleémeero guri satsuunquumiís. Saulo qwaslaarér giaá duxuum nee da/aluuseero baraá ayko gaa tlatlahhaás.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.