1 SAMUELI 24:15 - Biblía Axweesantá Hhohho' ar Mungú 2004

¹⁵ AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»

1 SAMUELI 24:15 Iomraidhean Croise

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

WARA'AMI 119:154

Aleekala/áng, ba/amisáng. Án slafisáng adoodá' kara ó'.

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

HAR'OHUUSE 11:27

Aníng kuúng ugwa sadakuusiiká, nee án bir i haratlatleér a dakumís. AAKOÓ MUNGÚ kuduú kwasleemusmo kasi laarí ngi tsati tla/ángw múk Israeli nee oo Amoniwo.»

1 SAMUELI 17:43

Heewuú Filisti Daudi guri báy, «Ahaá hhartisíng ta koon ar milá? Kawa xu' aníng a seeáywo niwa amor'eé' keer ar hhara.» Heewuú Filisti, Daudi guri lu'ús ar umuú munguaá múk Filisti.

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 26:20

Gím daxta mi geexawaar nari gwaá' baraá yaamaá ayaá hee, dír nee AAKOÓ MUNGÚ tiwa harasawén. Asma waáy kuúng waawutmoó múk Israeli mas slafingw'eé' leelehhít, slaqás adór heé xooyángw slakaát gawaá tloomár wa ale.»

1 SAMUELI 26:4

Daudi tsawtsawuuse gari ya/aáw, looeemaá hardahamuú Saulo giri sláy.