1 SAMUELI 24:12 - Biblía Axweesantá Hhohho' ar Mungú 2004

¹² AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 24:12 Iomraidhean Croise

IIMU/UUNGW 16:5

Sarai Abramu guri beér, «Slasla/aruuwí aníng iga slay masók i gawaawók. Aníng sagadiyuso'or'eé' ngina haniís, ala inós ngiwa aán a tsiiháy, aníng daxta iga waaqá'. Ala AAKOÓ MUNGÚ sakwasleema ngi tsati dír án nee kuunge.»

IIMU/UUNGW 31:53

Munguú Abrahamu, nee Munguú Nahori, Munguú baabi'ii'ín, kasi ngi tsati tla/angwrene.» Yakobo lo'o gari /aáy ar umuú Mungú, Kudá' baabuúwós Isaka i da'ayuumiti.

2 SAMUELI 22:48

Inós aníng iga aleeslawtís, marmár'eé' ngiwa buu', nee xoordu ngiri baál.

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

YOBU 5:8

Aníng geeraawo bar an kuunge aqo an amór Mungú i warqáw, kangw'eé' nguri dirós i máw.

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

WARA'AMI 94:1

AAKOÓ MUNGÚ, Munguú li/oó bu'uúm, kuúngudá' li/oó bu'uúm ti laqaan.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

HAR'OHUUSE 11:27

Aníng kuúng ugwa sadakuusiiká, nee án bir i haratlatleér a dakumís. AAKOÓ MUNGÚ kuduú kwasleemusmo kasi laarí ngi tsati tla/ángw múk Israeli nee oo Amoniwo.»

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 24:15

AAKOÓ MUNGÚ ti har'oohi, ti sakwasleemuti án nee kuúng. Inós kaangwí ngu alqaytsiti, nee aníng i alekalaa/i baraá axweesanay'eene, nee i ba/amisi baraá dabaawoge.»

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.