1 SAMUELI 24:11 - Biblía Axweesantá Hhohho' ar Mungú 2004

¹¹ Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.

1 SAMUELI 24:11 Iomraidhean Croise

2 SAMUELI 1:14

Daudi guri báy, «Kuúng adór tara qítl dakók tleesaro, heé taa iimbalaáx oo AAKOÓ MUNGÚ kuri gás.»

2 WAAWITÁ 5:13

Sagadiyuseerós guri haratseewuúr, guri beér, «Xáy, baabuúrén, kuúng geeraawo bar aarusmo una báy, gár ur tleehheek, tleehharo a meéra? Hám daxta an ak tsinihekáhe uwa báy, ‹Tláw hamtliím, hhoohhooúw.› »

YOBU 10:16

Sakw'eé' bura gáwtí tleés kuúng aqo adór diraangw, aníng in iimu/uún slaktuuwo, aníng iri slahh'eemís waa/oo/amorók ngiri laqaán.

WARA'AMI 119:161

Waawitá in tawo /aytín, ala aníng a axweesantók an ilaiwawaá/ ar muunaáeé' sleémeero.

WARA'AMI 140:11

Foolusmo gár hhoo' mingiwa sláy baraaká' yaamuwo. Heé tlaákw ku giiri nee muruú tlákw as kuwa dahhi.

WARA'AMI 35:7

Asma ina tawo tsaaxweelírí qaasiyé', iri bohóngw i fooliyé'.

WARA'AMI 59:3

Qayteek kudá' slafingw'eé' ngu haratseegamisá', awa xaraslá' iga hara burumburitiyé', ala AAKOÓ MUNGÚ, slám án gár naa dakuús iqo káhh.

WARA'AMI 7:5

daqaní wakusmo aníng i eehari nee i oohi, i yaamií kalaa/i i teeruy.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

WA/AA/I 4:18

Wakusmo tina digir deliít, hi'iitanór baraá lohduurén kari harslaaqataán, alhhe'eesayrén niri tseewúy, deeloorén faaro gari ya/aán, asma alhhe'eesayrén naa hardáh.

ESEKIELI 13:18

tawa kat, «Aakoó MUNGÚ i kaahi, ‹Tsaxwaahúng kuungá' awa /ameena, kudá' hirísír hiriitá' nee kay dahamisá' baraá dabér muu, nee kuungaáká' sheélár taa hirísáy hirité' ar umuú adooro as muu kuwa sage warqesa'. Xáy, kuungá' tawa slafíngw muk'eé' gigidiinda', kawa xuá' slafingwhúng u kiloohúng /isá'a?

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

Yohana 15:25

Adoorí ina tleehharút as /aymuudá' taa gooín baraá hara'ayar'ín iwa boo/i, kudá' káh, ‹Aníng ina tawó aahhiyé'.›

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 18:27

Daudi nee mukós tana tláy, hhawaataá múk Filisti awa tsiire tsár kingiri tsuú/, Daudi tumbáy'ín nguri huúw ay dír waawutmo Saulo. Tumbáydá' guri wakeetín faarooro, nguwa hanmisi dír waawutmo Saulo, as kahhó' tawa hhawaatuú dasír waawutmo. Saulo dasiirós tidá' ta bay Mikali gari haniís dír Daudi.

1 SAMUELI 23:14

Daudi ina baraá xaanxáy meét, baraá koo/ír gawit, iri baraá yaamaá tlom'ií wa hoót, baraá xaanxayduú Sifu. Saulo i Daudi leelehhahhiit daqisleém, ala Mungú Daudi gwaa haniisiiká baraá dabaá Saulo.

1 SAMUELI 23:23

Umuú dír iqo nahhmamiti tsawtsawusaak, kawa xua', kangwsíng ngu ooár eerá' dir'eé', ma dakuusara'. Án nee kuungá' ti koomaán, slám bir baraá ayaawí kaahh, aníng u leelehhahhiít baraá tla/ángw múk kumér yaariir ar Yudawo.»

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.

1 SAMUELI 26:18

Daudi iri kumiít axweesanto, «Asma waáy gár anuú sagadiyusmoowók is leelehhit? Gár naa tleéhh a umós? Gár tlaakw ar naa tleéhh a milá?

1 SAMUELI 26:20

Gím daxta mi geexawaar nari gwaá' baraá yaamaá ayaá hee, dír nee AAKOÓ MUNGÚ tiwa harasawén. Asma waáy kuúng waawutmoó múk Israeli mas slafingw'eé' leelehhít, slaqás adór heé xooyángw slakaát gawaá tloomár wa ale.»

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.