1 SAMUELI 23:6 - Biblía Axweesantá Hhohho' ar Mungú 2004

⁶ Abiatari garmoó Ahimeleki, qoomár iwa goów Keila amór Daudi, naifeérár kaahamuusér Mungú gana dákwár huúw.

1 SAMUELI 23:6 Iomraidhean Croise

1 WAAWITÁ 2:26

Slám waawutmo kaahamusmo Abiatari guri báy, «Tláw Anatoti baraá qamuuwók, asma kuúng gwa'ara ugwa sahariín, ala laarí u gaasaaká, asma sandakmoó Aakoó MUNGÚ una loohís geeraá Daudi baabuúeé' wa ale, nee slám kuúng nee baabuúeé' tunduna alslahh'eemiís.»

TI'INAANGW 28:6

«Inooín naifeéra ngi tleehhiye' ar neewór sahaábu, nee neewór se'éngw bee/aangw ar sirbo/, nee ar sirdaa/aaten, nee ar da/aten, nee ar kitaánír hhohho' ar taa ló'wa hhuútl.

1 SAMUELI 14:18

Naagáy Saulo Ahiya guri báy, «Sandakmooduú alqadór Mungú diirií huwang.» Asma sandakmooduú Mungú qoomaadae i dír múk Israelirí dirii'.

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 22:20

Nee baraá tla/ángw daaqoó Ahimelekiwo, garmoó Ahitubu heé wák kilós ina meét, umuuwós ku bay Abiatari, ina /akuút amór Daudi.

1 SAMUELI 23:2

Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 23:5

Daudi nee mukós tari tláy ay Keila, baraá slaqwarár nee múk Filisti. Múk Filisti oo yaariír kuri hhaamiís, hikwaaín kingiri hayóh. Daudi múk Keila guri tuú/.

1 SAMUELI 23:7

Saulo kuri ádbáy, adór Daudi nira Keilárií hardáh. Saulo iri oó', «Mungú ngwa dabaaeéní qaás, asma ina dáh baraá gixsár afeerós tseegamór koom.»

1 SAMUELI 23:9

Daudi ga xuu' adór Saulo ngur kángw tlaákwí slai, Abiatari guri báy, «Xáda xáy inqwarusuú kaahamuusér Mungú haniisang, kuduú naifeéra.»

1 SAMUELI 30:7

Daudi iri oó' dír Abiatari garmoó Ahimeleki kuduú kaahamusmoó Mungú, «Axáy naifeéra huwang.» Abiatari gari huúw.