1 SAMUELI 23:4 - Biblía Axweesantá Hhohho' ar Mungú 2004

⁴ Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»

1 SAMUELI 23:4 Iomraidhean Croise

2 SAMUELI 2:1

Alaá kaangwihe, Daudi Aakoó Mungú guri yaahaás, «Xáy, a daqáwa amór gixsár wák baraá gixsadaá Yudawo?» AAKOÓ MUNGÚ guri báy, «Daqáw.» Daudi guri yaahaás, «Gixsár ni kaw a gaalá?» AAKOÓ MUNGÚ guri mu/aywaáts, «Gixsár Hebroni na kaweek.»

2 SAMUELI 5:19

Naagáy Daudi kaangwí guri yaahaás dír AAKOÓ MUNGÚ, «Xáy AAKOÓ MUNGÚ, múk Filisti u i haratláwa? Xáy, ngu dabaaeé qása?» AAKOÓ MUNGÚ, Daudi guri bay, «Daqáw, asma ar looeemawo múk Filisti ngu dabaawógi qaás.»

2 WAAWITÁ 3:18

Ala tí dír AAKOÓ MUNGUHE ka gawdeeká tleehharo, inós sleeme baali ngi haniis dirhunge ar múk Moabu kuwa ar ba/a'.

1 QOM'I 14:10

Daudi Mungú guri yaahaás, «Aníng múk Filisti u i haratláwa? Kuúng ngi qása gawaá dabaaeé'?» AAKOÓ MUNGÚ iri oó', «Eeít, tláw, aníng ngi gawaá dabaawók i qaás.»

YOSHUA 8:7

Kuungá' daqaní ni /akumitá' baraá xwaansláydá' tay nahhati'i, daqaní ta datá' baraá gixsa. Asma AAKOÓ MUNGÚ, Munguúhúng gixsa ngi gawaá dabaahúng i qaas.

HAR'OHUUSE 6:39

Gideoni Mungú guri malé báy, «Na'ás, ma buhhaar. Aníng kuúng u firiím waiiká' wake. Aníng kuúng u firiím as adoorí a malé iiár ar se'eengwí. Aníng kuúng u firiím se'eengw kilós masók ku kaaharén, ala yaamu masók i har'uú koná'.»

HAR'OHUUSE 7:7

AAKOÓ MUNGÚ Gideoni guri báy, «Aníng kuúng u arba/tír i haniís ar múk Midiani kuwa bal ar mukuú tsiire tám, kuká' ma'aay ngaa wahiye' adór seeaay ma'aay ngir wahaahan, ala múk hatlá' i watli.»

HAR'OHUUSE 7:9

Xweeradaá kilae AAKOÓ MUNGÚ Gideoni guna báy, «Ti amohhe'es, xafoó múk Midiani kuwa i haratleer, asma aníng arba/ati ngaa dirógí haniís.

1 SAMUELI 10:22

Tari kumiít AAKOÓ MUNGÚ yaahamisuuwo, «Heé aa meet i deéro oo naa amoorií hardihiiká?» AAKOÓ MUNGÚ giri mu/aywaáts, «Qaytsiít aa nahhaát baraá tla/eeraá xooslár taa burumbuúr.»

1 SAMUELI 23:2

Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 23:3

Mukdaáduú Daudi, Daudi guri báy, «Atén hám bar an baraakaá Yuda wa da'ayumiitaán, xáy aqo qiitlána tawa slaqwarár awaan Keila, amór slaqwaruusér múk Filisti?»

1 SAMUELI 23:5

Daudi nee mukós tari tláy ay Keila, baraá slaqwarár nee múk Filisti. Múk Filisti oo yaariír kuri hhaamiís, hikwaaín kingiri hayóh. Daudi múk Keila guri tuú/.

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»