1 SAMUELI 23:26 - Biblía Axweesantá Hhohho' ar Mungú 2004

²⁶ Saulo nee mukós ta bihhaá bartí awa tlooma, nee Daudi nee mukós ta bihhaá bartaqá' awa tlooma. Daudi ina gaanslár tláy, asma Saulo ngwaa da'ayuút, Saulo nee mukós Daudi kuna haratseewúy nee mukose as kiwa uhin.

1 SAMUELI 23:26 Iomraidhean Croise

2 SAMUELI 15:14

Naagáy, Daudi sagadiyuuserós tidár baraá gixsár Yerualemu gari báy, «Tlawaaré' a guwaán! Bar adooriheeká, Absalomu kuwa kwírhhitaan u aslawanká. Gaanslar tlaware', mitiwa tsuú/, tari hhaamiis baraá gixsaro ar paangadu.»

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

WARA'AMI 17:11

Daxta aníng iga harweeriyé'. I haramaamahhamiitiyá' tiwa yaamúr slahhi.

WARA'AMI 17:9

as múk tlákw kudá' aníng i baramaanuús, nee as wakuusér tsu/uut ar aníng iga harwet.

WARA'AMI 22:12

Wakuusér yaariir iga harwét adór awér yaqaambe. Inooín ina harweeriyé' adór yaqaambér xaraasl ar yaamaá Bashani.

WARA'AMI 22:16

Boohhár wakuuse iga harwét adór seeaawe, ya'aaeé' nee daba' kaa fooxamiís.

WARA'AMI 31:22

Aníng ana gaanslár oó', «Aníng iga sí'.» Ala kuúng afór firor'eé' aga iiárií qás, qoomár uwa i /aá/ baraá firor'eene.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

Geehhoeemaá 20:9

Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.

HAR'OHUUSE 16:2

Múk Gasa kuri báy, «Samson i ayaawí dirii'.» Inooín niri giirór ayé' dír afkú gixsa, nguri damraarané' xweera sleémeero, as tawa kaahi, «Qwalaasé' u daamaán ay matlaatle, daqaní u gaasaán.»

1 SAMUELI 19:12

Gawaá adoorihe Mikali Daudi guri qawti dúx tsee/ií ale ar pa/aangw, Daudi iri /akuút.

1 SAMUELI 20:38

Gaansluút i diisír kilá' ma hhawahhawaar.» Garmaadá' maheeriwós gina burumbuúr iri kií/ amór aakoowós.

1 SAMUELI 23:25

Naagáy Saulo nee mukós Daudi kuri leelehhtuú áy, ala muu Daudi guri adoorí báy. Daudi iri tláy iri nahhaát baraá mar'ír tlaa/a tidár baraá xatsaá Maoni, iri amoodá' wa hoót. Saulo kaangwí nguwa axaás, Daudi guna eehár baraá xaanxayduú xatsaá Maoni.

1 SAMUELI 23:27

Ala heé wák nina hardáh amór Saulo, Saulo guri báy, «Qwaláng ar gaanslaay, múk Filisti yaamu gaa i haratláy.»