1 SAMUELI 23:2 - Biblía Axweesantá Hhohho' ar Mungú 2004

² Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 23:2 Iomraidhean Croise

2 SAMUELI 2:1

Alaá kaangwihe, Daudi Aakoó Mungú guri yaahaás, «Xáy, a daqáwa amór gixsár wák baraá gixsadaá Yudawo?» AAKOÓ MUNGÚ guri báy, «Daqáw.» Daudi guri yaahaás, «Gixsár ni kaw a gaalá?» AAKOÓ MUNGÚ guri mu/aywaáts, «Gixsár Hebroni na kaweek.»

2 SAMUELI 5:19

Naagáy Daudi kaangwí guri yaahaás dír AAKOÓ MUNGÚ, «Xáy AAKOÓ MUNGÚ, múk Filisti u i haratláwa? Xáy, ngu dabaaeé qása?» AAKOÓ MUNGÚ, Daudi guri bay, «Daqáw, asma ar looeemawo múk Filisti ngu dabaawógi qaás.»

2 SAMUELI 5:23

Daudi kaangwí nguwa ár AAKOÓ MUNGÚ guri firín. AAKOÓ MUNGÚ iri oó', «Muksíng mu diisír haradahaar, ala na harweeriím ki haradát ar amór geeraá xaa'aá ta bay miforosadi.

1 QOM'I 14:10

Daudi Mungú guri yaahaás, «Aníng múk Filisti u i haratláwa? Kuúng ngi qása gawaá dabaaeé'?» AAKOÓ MUNGÚ iri oó', «Eeít, tláw, aníng ngi gawaá dabaawók i qaás.»

WARA'AMI 32:8

Aako i kaahi aníng kuúng un intsaahhatís, nee lohduuwók ngi qwatsiím. Án kuúng un gan'amiís ar inkihhimu.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.

HAR'OHUUSE 1:1

Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

1 SAMUELI 10:22

Tari kumiít AAKOÓ MUNGÚ yaahamisuuwo, «Heé aa meet i deéro oo naa amoorií hardihiiká?» AAKOÓ MUNGÚ giri mu/aywaáts, «Qaytsiít aa nahhaát baraá tla/eeraá xooslár taa burumbuúr.»

1 SAMUELI 14:37

Saulo Mungú guri yaahaás, «Xáy a aweéra múk Filisti nguwa eehar? Xáy ngu dabaá múk Israeli qása?» Ala Mungú tam /aymuú wák gwa mu/aywatsiiká baalaadae.

1 SAMUELI 23:3

Mukdaáduú Daudi, Daudi guri báy, «Atén hám bar an baraakaá Yuda wa da'ayumiitaán, xáy aqo qiitlána tawa slaqwarár awaan Keila, amór slaqwaruusér múk Filisti?»

1 SAMUELI 23:4

Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»

1 SAMUELI 23:6

Abiatari garmoó Ahimeleki, qoomár iwa goów Keila amór Daudi, naifeérár kaahamuusér Mungú gana dákwár huúw.

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»