1 SAMUELI 23:18 - Biblía Axweesantá Hhohho' ar Mungú 2004

¹⁸ Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.

1 SAMUELI 23:18 Iomraidhean Croise

2 SAMUELI 21:7

Ala waawutmo Mefibosheti, garmoó Yonatan guri tuú/ asma lo'oodá' Daudi nee Yonatan garmoó Saulo taa /aáy as mulqi'iima. Inooínaaká' tsaraawo lo'oorí ngina /ayiyé' ar umuú AAKOÓ MUNGÚ.

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

1 SAMUELI 18:1

Qoomár Saulo axweesanto iwa hhe'eés nee Daudi, Yonatan garmoó Saulo Daudi guri ló'wa slaá' baraá muunaáwose, ar adoodá' inós tir kilós slai.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 20:8

Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»

1 SAMUELI 21:1

Daudi iri hardáh dír Ahimeleki kahaamusmoó Mungú oo baraá yaamaá Nobu. Ahimeleki Daudi guri al'áy ar daaraxaay guri yaahaás, guri báy, «Kuúng misinda kilók hardát?»