1 SAMUELI 22:8 - Biblía Axweesantá Hhohho' ar Mungú 2004

⁸ Asma milá kuungá' sleémeero aníng misa geewaaqaté', tam heé wák oo ngi oó' mis kaahh adór garmaaeé' nee garmoó Yese tara al'axweés. Ahaá heé aníng wá gurhamuút mis kaahh, adór garmaaeé' aníng ira safoól dír sagadiyusmooeé' iwa giiri laarí?»

1 SAMUELI 22:8 Iomraidhean Croise

2 WAAWITÁ 6:11

Waawutmoó Aramu adoorí ngiwa ár ina ló'wa amooqwaqwadín. Geeraharuuseerós ar slaqwara gari ateét, gari báy, «Baraá tla/angwhúng kwihe a heemá oo atén gewaqaqatiím dír waawutmoó Israeli?»

YOBU 33:16

Qoomár bir guiyá' muu gun ia' xawis, giri daandeemo feehhamiis ar naanaqaangós,

1 SAMUELI 18:1

Qoomár Saulo axweesanto iwa hhe'eés nee Daudi, Yonatan garmoó Saulo Daudi guri ló'wa slaá' baraá muunaáwose, ar adoodá' inós tir kilós slai.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 20:2

Yonatan guri báy, «Gár adoosíng i pa/ diroge. A baloó gwa'aká. Ga/aaweek baabuúeé' gár i tleehhi i káhh, tam ka úr laqaá tam ka niiná, ar dir'eene i duqun, ala adór baabuúeé' tisíng ngir lu/i dir'eene a adoomá. Kangwsíng a loeeká.»

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 20:8

Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»

1 SAMUELI 22:13

Saulo guri yaahaás, guri báy, «Kuúng nee garmoó Yese aníng misa geewaaqaté'? Una mikaáteérí hanís, nee paánga, kuri alefirín dír Munguhe. Daxta aníng hamí iga aáhh, in gigidín.»

1 SAMUELI 23:21

Saulo iri oó', «Kuungaásingá' aníng iga gurtleere' AAKOÓ MUNGÚ nu tsuuqi.