1 SAMUELI 22:4 - Biblía Axweesantá Hhohho' ar Mungú 2004

⁴ Daudi xwayliiteérós gari geexáy dír waawutmoó Moabu, tari dirós wa hoót afi qoomaadá' sleémeero Daudi iwa baraá koo/ír gawít wa hooti.

1 SAMUELI 22:4 Iomraidhean Croise

2 SAMUELI 24:11

Matloowose Daudi niwa tláy matlaatleero, qoomaarihe AAKOÓ MUNGÚ ina ya/abín ar afkú Gadi, kuduú iigu'utusmoó waawutmo Daudi. Gadi guri báy,

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

1 QOM'I 11:16

Qoomaadae Daudi i baraá gixsár koo/ír gawít i dirii', slaqwaruusér múk Filisti gixsár Betilehemu ngaa i dahiyé'.

1 QOM'I 12:16

Múk tlahhoó Benyamini bahh'ale nee oo Yudawo tana amór Daudi káy baraá koo/idá' gawit.

1 QOM'I 21:9

Naagáy AAKOÓ MUNGÚ aarusmooduú Daudi ta bay Gadi guri báy,

1 QOM'I 29:29

Kwaynaá daanduú waawutmo Daudi imiír iimu/úngw wa tleemu ay alhhe'eesáy kaa gooín baraá kitaábuú inslaslaangw oo iigu'utusmo Samueli nee oo aarusmo Natani nee oo iigu'utusmo Gadi.

2 QOM'I 29:25

Waawutmo Hesekia adoodá' AAKOÓ MUNGÚ aa Daudi báy ar loohír iigu'utusmo Gadi nee aarusmo Natani, gana eehár. Gawaá adoorihe múk tlahhoó Laáwi guri qaás baraá Doó AAKOÓ MUNGÚ, bahh'alé i mitingaroó koná', kookaariya' i mariímbár koná' nee bahh'ale i gidandooroó koná'. Gaarí an hara'ayár AAKOÓ MUNGÚ aa hara'ayín ar loohír aaruuse.

NEHEMIA 6:11

Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

WARA'AMI 11:1

AAKOÓ MUNGÚ an dír guway'eé'! Adór kar qitla' aníng iwa beera', «/Akuút adór tsir/ír wa ale ay gawaá tlooma.

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, Garmoó hee ni kii/ dír gixsadaá múk Israeli kira faki'iiká.

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 22:5

Aarusmo Gadi Daudi guri báy, «Ma baraá koo/irí gawít wa hootaar, tláw ay baraá yaamaá Yuda.» Daudi iri didá' wa tláy, iri dáh baraá darmuú Hereti.