1 SAMUELI 22:3 - Biblía Axweesantá Hhohho' ar Mungú 2004

³ Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 22:3 Iomraidhean Croise

IIMU/UUNGW 47:11

Aluuwo Yosefu baabuúwós nee hhaeewós giri yaamií haniís baraá Ramasesiro, yaamaá hhooá' ló'wa alé baraá yaamaá Misriro, tawa dír hotangw'ín adoodá' Farao ngira oó'.

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

1 Timoteo 5:4

Ala kwaalo'o barnaxes i na/aá koón, laqaá na/aá naangós, na/iiká' gár kiwa hariím a hariímar'ín ngin xuiyá' ar múk dooín nguwa amohhe'eemisiya', nee xwaylitér'ín ngiwa ga/aya'. Asma adoorí Mungú gu sla'atamís.

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

RUTI 4:10

Nee slám Ruti, tidár yaamaá Moabu, harér Mahloni, aníng an aál sleeme, as doó Elimeleki iwa tlay, nee aalirós iwa met baraá do'ós i alé, as umuuwós mukuwa máy baraá hhaeewose nee baraá gixsaro. Kuungá' gaarí aga aandé' laarí, nee daxta kuungá' a lamabu'uuse.»

RUTI 4:17

/Ameenár inslaawaay na/aay guri umí tsát, kaangwí kuri alki/ituú áy dír umuúqo heewo, tawa kaahi, «Naomi garmoó naangw gwaa sleér!» Ku bay Obedi. Inós an kudá' aluuwo Yese ngwa laqwaal, Yese Daudi guri laqwaál.

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.

1 SAMUELI 22:2

Umuúqo heé baraá slahh'amií dirií', nee umuúqo heé iinár kooma, nee mukdá' sleémeero baraá muner'ine slahhahhaá' tana burumburiít dirós i ale, inós tari geeraharusmooín. Mukdá' aa burumburiit dirós tsiire tsiyáhh ga áy.

1 SAMUELI 22:4

Daudi xwayliiteérós gari geexáy dír waawutmoó Moabu, tari dirós wa hoót afi qoomaadá' sleémeero Daudi iwa baraá koo/ír gawít wa hooti.

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»