1 SAMUELI 22:20 - Biblía Axweesantá Hhohho' ar Mungú 2004

²⁰ Nee baraá tla/ángw daaqoó Ahimelekiwo, garmoó Ahitubu heé wák kilós ina meét, umuuwós ku bay Abiatari, ina /akuút amór Daudi.

1 SAMUELI 22:20 Iomraidhean Croise

2 SAMUELI 15:24

Kaahamusmo Abiatari iri tláy, nee kaahamusmo Sadokiwo tana al tláy dinkwa nee múk Laáwi sleémeero ta sandakmoó loohiis kuduú alqadór Mungú. Sandakmooduú Mungú kuri yaamií qaás, ay dír muu sleémeero i waarahhi kudá' Yerusalemúr daáhh.

2 SAMUELI 20:25

Shausha a geeraharusmoó lohdaá gadiyeé gi qoomeemeés. Sadoki nee Abiatari a kaahamuusér Mungú.

1 WAAWITÁ 1:7

Inós nee Yoabu garmoó Seruya nee kaahamusmoó Mungú Abiatari tana axweés. Inooín Adonia nguna eehariyé' nguri alee/iisiyé'.

1 QOM'I 15:11

Slám Daudi Sadoki nee Abiatari gina ateét dinkwa nee múk tlahhoó Laáwi, ín Urieli, nee Asaya, nee Yoeli, nee Shemaya, nee Elieli nee Aminadabu.

1 QOM'I 18:16

Sadoki garmoó Ahitubu, nee Ahimeleki garmoó Abiatari a kaahamuusér Mungú, nee Shausha a goousmo.

YOBU 1:19

bambaaór duhhúm nina baraá xaanxáy wa haratleér, do' guri badu sleémeero wa sláhh, masoomba sleémeero gari hara huú' iri qátl, aníng kilooeé' ana /úw as kaangwí nguwa ooár aw.»

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 2:33

Heé wák do'oge bira meét tawa kaahamusmoó Mungú, ina meét as nguwa ila' tampúw, gurhaami guri gás, nee xwaylarók sleémeero kay tsuu/ ar paánga.

1 SAMUELI 22:21

Abiatari kaangwí guri alki/iít dír Daudi, adór Saulo kaahamuusér AAKOÓ MUNGÚ ngira tsuú/.

1 SAMUELI 23:6

Abiatari garmoó Ahimeleki, qoomár iwa goów Keila amór Daudi, naifeérár kaahamuusér Mungú gana dákwár huúw.

1 SAMUELI 23:9

Daudi ga xuu' adór Saulo ngur kángw tlaákwí slai, Abiatari guri báy, «Xáda xáy inqwarusuú kaahamuusér Mungú haniisang, kuduú naifeéra.»

1 SAMUELI 30:7

Daudi iri oó' dír Abiatari garmoó Ahimeleki kuduú kaahamusmoó Mungú, «Axáy naifeéra huwang.» Abiatari gari huúw.

1 SAMUELI 4:12

Heeko wák oo tlahhoó Benyamini ina tiaaín baraá tla/ángw slawtadár slaqwarár wa ale, iri ti'iíngwár hardáh ay Shilo baalaadár kilae, inqwaruuwós naa feehhamamiít, nee sagós aa teerumamiít.