1 SAMUELI 22:2 - Biblía Axweesantá Hhohho' ar Mungú 2004

² Umuúqo heé baraá slahh'amií dirií', nee umuúqo heé iinár kooma, nee mukdá' sleémeero baraá muner'ine slahhahhaá' tana burumburiít dirós i ale, inós tari geeraharusmooín. Mukdá' aa burumburiit dirós tsiire tsiyáhh ga áy.

1 SAMUELI 22:2 Iomraidhean Croise

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

2 WAAWITÁ 4:1

Naagáy harér heé wák baraá tla/ángw eeharuusér aaruuseero ina daqeér dír Elisha guri beér, «Sagadiyusmoowók hhawaatuueé' aa gwaá', nee kuúng a xú' sagadiyusmoowók i AAKOÓ MUNGÚ ilaiwa/a/aat. Ala heeko inós gu iinuús naa hardáh na/iieé' awa tsár ngiwa ar tlay, ngiwa lawaaleerós tleehhi.»

AXWEESANOÓ SAGALOOA 31:6

Buura haniiseek dír heé aa hhituruut Nee difaái haniiseek dír heé gurhaamuút.

Matayo 11:12

Iimír de'emaá Yohanedá' Baatimaamiís ay hamí waawuti'iimár doori kan i qwatliit ar /uuru, nee múk /uuruú koóm ga hayoohín ar /uuru.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

HAR'OHUUSE 11:3

Ala Yefta hhaeewós kuká' giri ilagoów, iri hotaá áy yaamaá Toburí ale, amoodae múk barawaslén guna i burumburiít, tari alkoomaakoné' qoomár barta gauú áy.

HAR'OHUUSE 18:25

Múk Dani nguri bayé', «Afoorók tisíng makawa axamiís baraá tla/angwrene, múk buhhtaá koóm muwa i hardáh, kuúng turi af'oh dinkwa nee múk do'ók sleémeero.»

1 SAMUELI 1:10

Hana iri kángw kilá' wa gurhaamút, AAKOÓ MUNGÚ guri firiín ar hhirhheeri.

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 23:13

Naagáy Daudi nee mukós oo afiqoomoó tsiire lahhoó' Keila kari geexáy, tari tawoó quútl amór ta slay sagér'ine, aluuwo Saulo kuri báy, «Daudi aa goów baraá Keilaro.» Saulo iri daba tsatiít, kangós kudá' guri máy.

1 SAMUELI 25:13

Daudi mukós guri báy, «Umuúqo heewo i siinootin paángarós ngi oohi.» Umuúqo heewo iri siinootín, paángarós gari óh. Daudi sleeme ina siinootín paángarós gay óh. Múk afiqoomoó tsiire tsiyáhh Daudi guri eehár nee múk tsiire tsár ina meét dír xoosla.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»