1 SAMUELI 22:18 - Biblía Axweesantá Hhohho' ar Mungú 2004

¹⁸ Waawutmo Doegi heé Edomu guri báy, «Kaahamuuseesír Mungú harawarqaweek, tsu/eek.» Doegi heé Edomu, kaahamuuseedá' gana i warqáy tsu/taro. Baalaadae kaahamuuseedár naifeéra ngaa dahas ar taa tleéhh ar kitaáni a mibeeri dakaát nee kooán, sleémeero giri tsuú/.

1 SAMUELI 22:18 Iomraidhean Croise

2 QOM'I 24:21

Ala inooín nguna fuqurángw i tleehhiyé', nguri tlaquutiyé' ar tlaa/e, nguri gaasiyé' ar afkú waawutmo baraá afeenír Doó AAKOÓ MUNGÚ.

WARA'AMI 78:64

Kaahamuuser'ín ar saaliingw kari tsuú/ ar paánga, tam kwaeelii'ín pa/ángw ir tsuunqumiisiya' ngwa slay'iiká.

TI'INAANGW 28:40

«Daaqoó Aroni ku hiya'aá ququmadií tléhh nee him'ér afeetle nee kofiyadu, masók birki ga/áy ki xirfayen nee ki hhohho'.

AXWEESANOÓ SAGALOOA 24:15

Múk hhó' mu giirór awaar adór múk tlákw i /imaamisi, do'ós mu hhitiimaar sleeme.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

HOSEA 7:3

Waawutmo ngun qwal/amisiyá' ar tlakweemaaín, nee muk'ín oo urén ar foluuín.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?

1 SAMUELI 2:36

Umuúqo heé aa meeti dír do'oge in tláy iri tumbarara'aat dír geeraá kaahamusmooeé', guri firín peésár niinawe, nee muruú /aymaaro iwa ooi, ‹Na'ás qaasáng baraá pa/ángw wák oo gadiyér kaahamusi'iima as muruú /aymár niiná nguwa slaw.› »